எதிர்பார்ப்பை கிளப்பியுள்ள தர்ஷன், லாஸ்லியாவின் கூகுள் குட்டப்பா ஃபர்ஸ்ட் லுக்.. வேட்டி சட்டையில் கலக்கும் ரோபோட்!

சமீபகாலமாக பிறமொழி படங்களை தமிழில் ரீமேக் செய்யும் கலாச்சாரம் அதிகரித்து வருகிறது. அந்த வகையில் மலையாளத்தில் வெளியாகி மாபெரும் வெற்றி பெற்ற ஆண்ட்ராய்டு குஞ்சப்பன் படத்தை தமிழில் கூகுள் குட்டப்பன் என்ற பெயரில் ரீமேக் செய்யவுள்ளனர்.

மலையாளத்தில் ரதீஷ் பாலகிருஷ்ணன் இயக்கத்தில் வெளியாகி, பெரும் வரவேற்பைப் பெற்ற படம் ‘ஆண்ட்ராய்டு குஞ்சப்பன்’. இதில் சுராஜ், செளபின், சூரஜ் உள்ளிட்ட பலர் நடித்தனர். 2019ஆம் ஆண்டு வெளியான இப்படத்துக்கு சிறந்த நடிகர், அறிமுக இயக்குநர், கலை இயக்குநர் ஆகிய கேரள மாநில விருதுகள் கிடைத்தன.

இந்நிலையில் இப்படத்தின் தமிழ் ரீமேக் உரிமையை கைப்பற்றி தயாரித்து, நடித்து வருகிறார் கே.எஸ்.ரவிகுமார். ‘கூகுள் குட்டப்பா’ என்று பெயரிடப்பட்டுள்ள இந்தப் படத்தின் ஃபர்ஸ்ட் லுக்கை படக்குழுவினர் வெளியிட்டுள்ளனர். இதனை நடிகர் சூர்யா தனது ட்விட்டர் பக்கத்தில் வெளியிட்டுள்ளார்.

‘கூகுள் குட்டப்பா’ படத்தை கே.எஸ்.ரவிகுமாரிடம் உதவி இயக்குநர்களாகப் பணிபுரிந்து வரும் சபரி மற்றும் சரவணன் இருவரும் இணைந்து இயக்கியுள்ளனர். இதில் சுராஜ் கதாபாத்திரத்தில் கே.எஸ்.ரவிகுமார், செளபின் கதாபாத்திரத்தில் தர்ஷன் நடித்துள்ளனர். நாயகியாக லாஸ்லியா நடித்துள்ளார். மேலும், யோகி பாபு, மனோபாலா, மாரியப்பன், ப்ராங்ஸ்டார் ராகுல் உள்ளிட்ட பலர் நடித்துள்ளனர்.

google-kuttappa
google-kuttappa

தென்காசியில் ஒரே கட்டமாகப் படப்பிடிப்பை முடித்துவிட்ட படக்குழு, வெளிநாட்டில் படமாக்க வேண்டிய காட்சியை மட்டும் விரைவில் படமாக்கவுள்ளது. இதற்காகத் திட்டமிட்டு வருகிறார்கள். இப்படத்தின் ஒளிப்பதிவாளராக ஆர்வி, இசையமைப்பாளராக ஜிப்ரான், பாடலாசிரியராக மதன் கார்க்கி ஆகியோர் பணிபுரிந்துள்ளனர்.

google-kuttappa
google-kuttappa

பிக்பாஸ் நிகழ்ச்சி மூலம் பிரபலமான லாஸ்லியா மற்றும் தர்ஷன் இப்படத்தில் நடித்துள்ளதாலும், மலையாளத்தில் பெரும் வரவேற்பைப் பெற்றதாலும் இப்படத்திற்கு தமிழில் எதிர்பார்ப்பு அதிகரித்துள்ளது.

- Advertisement -