0-4-2017 முதல் 6-5-2017 வரை
-நவக்கிரக ரத்னஜோதி சந்திரசேகரபாரதி.

மேஷம்:

பொது: சூரியன், சுக்கிரன், கேது ஆகியோரது நிலை சிறப்பாக உள்ளது. நல்ல தகவல் வந்து சேரும். முக்கியப் பொறுப்புக்களும் பதவிகளும் கிடைக்கும். தோற்றப்பொலிவு கூடும். ஆன்மிகத்தில் நாட்டம் அதிகமாகும். உஷ்ணாதிக்கத்தால் உடல் நலம் பாதிக்கப்பட நேரலாம். வீண்வம்பு, வழக்குகளைத் தவிர்ப்பது நல்லது. துர்கையை வழிபடவும்.
பொருளாதார நிலை, குடும்பம்: அதிகம் பாடுபட்டே பயன் பெறவேண்டிவரும். கொடுக்கல்-வாங்கலில் கவனம் தேவை. குடும்பத்தில் சிறுசிறு சலசலப்புக்கள் ஏற்படும். தந்தையாலும், வாழ்க்கைத்துணைவராலும் அனுகூலம் உண்டாகும். மக்கள் நலம் கவனிக்கப்பட வேண்டிவரும். உடன்பிறந்தவர்கள் ஓரளவு உதவுவார்கள்.
நிலபுலங்கள்: சொத்துக்களால் வருவாய் கிடைக்கும். 2, 3 தேதிகளில் சிலருக்கு புதிய சொத்துக்கள் சேர வாய்ப்பு உண்டு.
தொழில்: தகவல் தொடர்பு இனங்கள் ஆக்கம் தரும். கலைத்துறைகளைச் சேர்ந்தவர்கள் முன்னணிக்கு உயருவார்கள். ஆடை, அணிமணிகளால் லாபம் கிடைக்கும். அரசுப்பணியாளர்களுக்கு அனுகூலமான சூழ்நிலை நிலவிவரும். உத்தியோகஸ்தர்கள் பொறுப்புடன் கடமையாற்றுவது நல்லது. பொருளாதாரம் சம்பந்தமான இனங்களில் தொழில் புரிபவர்கள் எச்சரிக்கையுடன் செயல்படுவது அவசியமாகும்.

மாதர்களுக்கு: அனுகூலமான போக்கு நிலவிவரும். வாழ்க்கை வசதிகள் பெருகும்.
மாணவர்களுக்கு: படிப்பில் அதிக கவனம் செலுத்துவது அவசியமாகும். ஆசிரியர்களின் அதிருப்திக்கு இடம் தரலாகாது.

பணம் வரும் தேதி: மே 6. (பிற்பகல்). .

ரிஷபம்:
பொது: குரு, சுக்கிரன், கேது ஆகியோர் அனுகூலமாக உலவுகிறார்கள். சுப காரியங்கள் நிகழ வாய்ப்புக்கூடிவரும். மன மகிழ்ச்சி பெருகும். நல்லவர்கள் உங்களுக்கு ஆதரவாக இருப்பார்கள். தெய்வப் பணிகளில் ஈடுபாடு உண்டாகும். மந்திர, தந்திர, யந்திர சாஸ்திரங்களில் ஈடுபாடு கூடும். உடல் நலம் சீராகவே இருந்துவரும். மதிப்பும் அந்தஸ்தும் உயரும். ஜன்ம ராசியில் செவ்வாயும் 8-ல் சனியும் இருப்பதால் சிறு விபத்துக்கு ஆளாக நேரலாம்; எக்காரியத்திலும் பதற்றப்படாமல் நிதானமாக யோசித்து ஈடுபடுவது நல்லது.
பொருளாதாரநிலை, குடும்பம்: குரு பலம் இருப்பதால் பண வரவு திருப்தி தரும். திடீர் அதிர்ஷ்ட வாய்ப்புக்களும் கூடிவரும். கொடுக்கல்-வாங்கல் ஒழுங்காகும். கடன் குறையும். குடும்பத்தில் நற்காரியங்கள் நிகழும். மகப்பேறு அல்லது மக்களால் பாக்கியம் உண்டாகும். கணவன் மனைவி உறவு நிலை திருப்தி தரும்.
நிலபுலங்கள்: 4-ல் ராகுவும் 12-ல் சூரியனும் புதனும் இருப்பதால் சொத்துக்கள் சம்பந்தமான காரியங்களில் விழிப்புடன் ஈடுபடுவது நல்லது.
தொழில்: உத்தியோகஸ்தர்கள், ஆசிரியர்கள், ஆன்மிகவாதிகள் ஆகியோர் தங்கள் நிலை உயரப் பெறுவார்கள். கலைஞர்களுக்கு சுபிட்சம் கூடும். தொழிலாளர்களுக்கும் விவசாயிகளுக்கும் வியாபாரிகளுக்கும் முன்னேற்றம் தடைப்படும். அரசியல்வாதிகளும் அரசுப்பணியாளர்களும் பொறுப்புடன் செயல்படுவது நல்லது..

மாதர்களுக்கு: மன மகிழ்ச்சி பெருகும். முக்கியமான எண்ணங்கள் எளிதில் நிறைவேறும். எதிரிகள் கூட நண்பர்களாகி, உங்களுக்கு உதவி புரிவார்கள்.

மாணவர்களுக்கு: முன்னேற்றமான சூழ்நிலை நிலவிவரும். வெளிநாடு சென்று கல்வி கற்கும் வாய்ப்பு சிலருக்கு அமையும்.
பணம் வரும் தேதிகள்: ஏப்ரல் 30, மே 1.

மிதுனம்:
பொது: சூரியன், புதன், ராகு ஆகியோர் அனுகூலமாக உலவுகிறார்கள். குரு 4-லும் சுக்கிரன் 10-லும் உலவினாலும் கூட ஒருவருக்கொருவர் பார்த்துக் கொள்வதால் ஓரளவு நலம் உண்டாகும். சனி உங்கள் ராசியைப் பார்ப்பதும், செவ்வாய் ராசிக்கு 12-ல் உலவுவதும் சிறப்பாகா. சிறுசிறு பிரச்னைகள் ஏற்படும் என்றாலும் சமாளிப்பீர்கள். நல்லவர்களின் நட்பு நலம் சேர்க்கும். நல்லவர் அல்லாதவர்களை விட்டுப் பிரிவது நல்லது. கண், கால் பாதம் சம்பந்தமான உபாதைகள் ஏற்படும். பயணத்தால் நலம் உண்டாகும். சுப்பிரமணியரை வழிபடுவது நல்லது.
பொருளாதாரநிலை, குடும்பம்: பண வரவு சீராகவே இருந்துவரும். என்றாலும் எதிர்பாராத செலவுகளும் இழப்புக்களும் கூட ஏற்படும். கைப்பொருளைப் பத்திரப்படுத்தி வைத்துக் கொள்வது நல்லது. குடும்ப நலம் திருப்தி தரும். பெற்றோராலும் மக்களாலும் நலம் உண்டாகும். உடன்பிறந்தவர்களால் சங்கடங்கள் சூழும்.

நிலபுலங்கள்: சொத்துக்களால் வருவாய் கிடைத்துவரும். செவ்வாய்க்குப் பிரீதி செய்து கொள்ளவும்.
தொழில்: வெளிநாட்டுத் தொடர்புடன் செய்யும் தொழில் லாபம் தரும். அரசியல் ஈடுபாடு உள்ளவர்கள் வளர்ச்சி காண்பார்கள். வியாபாரிகளுக்கு முன்னேற்றமான சூழ்நிலை நிலவிவரும். எலக்ட்ரானிக், கம்ப்யூட்டர் போன்ற நவீன விஞ்ஞானத்துறைகளால் வருவாய் கிடைத்துவரும். இயந்திரப்பணியாளர்களும் இன் ஜினீயர்களும் விழிப்புடன் செயல்படுவது நல்லது.
மாதர்களுக்கு: அளவோடு நலம் உண்டாகும். பொறுப்புக்கள் அதிகரிக்கும்.
மாணவர்களுக்கு: முன்னேற்றமான சூழ்நிலை நிலவிவரும். தொழில் நுட்பத் திறமை கூடும்.
பணம் வரும் தேதிகள்: மே 2, 3.

கடகம்:
பொது: சூரியன், செவ்வாய், புதன், சுக்கிரன், சனி ஆகியோர் அனுகூலமாக உலவுகிறார்கள். உடல் நலம் சீராகவே இருந்துவரும். மதிப்பும் அந்தஸ்தும் உயரும். நிர்வாக ஆற்றல் கூடும். செயலில் வேகம் அதிகரிக்கும். காரியங்களில் வெற்றி கிட்டும். எதிரிகள் அடங்குவார்கள். வழக்கில் நல்ல திருப்பம் உண்டாகும். ராகு, கேது, குரு ஆகியோருக்கு அர்ச்சனை, ஆராதனைகள் செய்வது நல்லது.
பொருளாதாரநிலை, குடும்பம்: பண வரவு குறைந்து செலவுகள் அதிகரிக்கும். கொடுக்கல்-வாங்கலில் கவனம் தேவை. சூரிய பலம் இருப்பதால் வாரப் பின்பகுதியில் பண வரவு அதிகமாகும். அரசு உதவி கிடைக்கும். குடும்ப நலம் சீராகும். தந்தையாலும், உடன்பிறந்தவர்களாலும், வாழ்க்கைத்துணைவராலும் அனுகூலம் ஏற்படும்.
நிலபுலங்கள்: செவ்வாயும் சுக்கிரனும் சாதகமாக இருப்பதால் புதிய சொத்துக்கள் சேரும். சொத்துக்கள் மூலம் அதிக ஆதாயம் கிடைக்கும். சொத்துக்களை அழகுபடுத்திக் கொள்ளவும் வாய்ப்பு உண்டாகும்.
தொழில்: அரசுப்பணியாளர்கள், நிர்வாகிகள், வியாபாரிகள், இயந்திரப்பணியாளர்கள், கலைஞர்கள், எழுத்தாளர்கள், பத்திரிகையாளர்கள் ஆகியோருக்கெல்லாம் செழிப்புக் கூடும். தொழிலாளர்களும் விவசாயிகளும் வளர்ச்சி காண்பார்கள். உத்தியோகஸ்தர்களும் ஆசிரியர்களும் விழிப்புடன் செயல்படுவது நல்லது.
மாதர்களுக்கு: புனிதமான பணிகளில் ஈடுபாடு கூடும். தொலைதூரத் திலிருந்து நல்ல தகவல் வந்துசேரும்.
மாணவர்களுக்கு: ஓரளவு வளர்ச்சி காணலாம். விளையாட்டிலும் போட்டிகளிலும் வெற்றி கிடைக்கும். குருப் பிரீதி செய்து கொள்வது நல்லது. ஹயக்ரீவரை வழிபடவும்.
பணம் வரும் தேதிகள்: மே 4, 5, 6 (முற்பகல்).

சிம்மம்:
பொது: சூரியன், செவ்வாய், குரு, சுக்கிரன் ஆகியோரது சஞ்சாரம் சாதகமாக இருப்பதால் உடல் நலம் சீராக இருந்துவரும். செல்வாக்கும் மதிப்பும் அந்தஸ்தும் உயரும். உயர்பதவிகளும் பொறுப்புக்களும் தேடிவரும். சுப காரியங்கள் நிகழும். மன மகிழ்ச்சி கூடும். எதிர்ப்புக்களை வெல்லும் சக்தி பிறக்கும். ஆத்ம பலமும் மனோபலமும் கூடும். சர்ப்ப சாந்தி செய்து கொள்வது நல்லது.
பொருளாதாரநிலை, குடும்பம்: பண நடமாட்டம் திருப்தி தரும். கடன் தொல்லை குறையும். கொடுக்கல்-வாங்கல் லாபம் தரும். குடும்பத்தில் நற்காரியங்கள் நிகழும். மக்களாலும், தந்தையாலும், உடன்பிறந்தவர்களாலும், வாழ்க்கைத்துணைவராலும் அனுகூலம் உண்டாகும். 5-ல் சனி இருப்பதால் மக்களால் சில இடர்ப்பாடுகளும் அவ்வப்போது ஏற்படும்.
நிலபுலங்கள்: செவ்வாய் வலுத்திருப்பதால் சொத்துக்களின் சேர்க்கையோ, அவற்றால் ஆதாயமோ கிடைக்கும்.
தொழில்: உத்தியோகஸ்தர்கள், ஆசிரியர்கள், ஆன்மிகவாதிகள், மருத்துவர்கள், விஞ்ஞானிகள், பேராசிரியர்கள் ஆகியோர் தங்கள் நிலை உயரப் பெறுவார்கள். அரசியல் ஈடுபாடு ஆக்கம் தரும். கலைஞர்களுக்கு வரவேற்பு கூடும். இயந்திரப்பணிகள் லாபம் தரும். இன் ஜினீயர்களது எண்ணம் நிறைவேறும்.
மாதர்களுக்கு: நல்லவர்களும் பெரியவர்களும் உங்களுக்கு ஆதரவாக இருப்பார்கள். எதிர்பாராத பொருட்சேர்க்கை நிகழும்.
மாணவர்களுக்கு: முன்னேற்றமான சூழ்நிலை நிலவிவரும். சனிப் பிரீதி செய்து கொள்வது நல்லது.
பணம் வரும் தேதி: மே 6 (பிற்பகல்).

கன்னி:
பொது: புதன், கேது ஆகியோர் அனுகூலமாக உலவுகிறார்கள். இதர கிரகங்களின் சஞ்சாரம் சிறப்பாக இல்லாததால் எதிலும் விசேடமான வளர்ச்சிக்கு இடமிராது. குறுக்கீடுகளும் தடைகளும் உண்டாகும். உடல் நலம் கவனிக்கப்பட வேண்டிவரும். மதிப்பு குறையும். மனதில் ஏதேனும் சலனம் இருந்துவரும். த்யானம், யோகா ஆகியவற்றில் ஈடுபாடு உள்ளவர்களுக்கு மனத்தெளிவு பிறக்கும். ஜாதக பலம் உள்ளவர்கள் கவலைப்படத் தேவையில்லை.
பொருளாதாரநிலை, குடும்பம்: பண வரவு சாதாரணமாகவே காணப்படும். வீண் செலவுகள் அதிகரிக்கும். சிக்கன நடவடிக்கை தேவை. குடும்பத்தில் அமைதி குறையும். பெற்றோரால் சங்கடம் உண்டாகும். பிதுரார்ஜித சொத்துக்களுக்குச் சேதம் ஏற்படும்.
நிலபுலங்கள்: சொத்துக்கள் சம்பந்தமான வழக்கு, வியாஜ்ஜியங்களில் சிக்கிக் கொள்ள நேரலாம்; விழிப்புத் தேவை.
தொழில்: வியாபாரிகள், எழுத்தாளர்கள், பத்திரிகையாளர்கள், தரகர்கள் ஆகியோருக்கெல்லாம் 3-ஆம் தேதி முதல் நல்ல திருப்பம் உண்டாகும். ஆன்மிகத்தில் ஈடுபாடு உள்ளவர்கள் வளர்ச்சி காண்பார்கள். அறப்பணியாளர்களுக்கு அனுகூலமான போக்கு தென்படும். உத்தியோகஸ்தர்கள், தொழிலாளர்கள், அரசியல்வாதிகள், இயந்திரப்பணியாளர்கள் ஆகியோர் பொறுப்புடன் காரியமாற்றுவது நல்லது.
மாதர்களுக்கு: அளவோடு நலம் உண்டாகும். நல்லவர்களின் ஆதரவு கிடைக்கும்.
மாணவர்களுக்கு: ஓரளவு வளர்ச்சி காணலாம். தொழில் கல்வி பயில்பவர்களுக்கு அனுகூலம் உண்டாகும்.
பணம் வரும் தேதிகள்: ஏப்ரல் 30, மே 1 .
துலாம்:
பொது: சனி 3-லும், ராகு 11-லும் உலவுவது சிறப்பாகும். சந்திரனின் சஞ்சாரம் இந்த வாரம் சிறப்பாக உள்ளது. ராசி நாதன் சுக்கிரன் 6-லும் செவ்வாய் 8-லும் இருப்பதால் உடல் நலம் சீராக இராது. மதிப்பும் சற்று குறையும். எக்காரியத்திலும் அவசரப்படாமல் நிதானமாக யோசித்து ஈடுபட்டால் சங்கடங்களைப் பெருமளவுக்குக் குறைத்துக் கொள்ளலாம். புதியவர்களின் நட்பும் அதனால் அனுகூலமும் உண்டாகும். வெளிநாட்டுத் தொடர்பு பயன்படும். மகாலட்சுமியை வழிபடவும்.
பொருளாதாரநிலை, குடும்பம்: பண வரவு சீராக இராது. கொடுக்கல்-வாங்கலில் கவனம் தேவை. குடும்பத்தில் சண்டை, சச்சரவுகள் அதிகரிக்கும். வீண்பேச்சைத் தவிர்க்கவும். உடன்பிறந்தவர்களாலும், வாழ்க்கைத்துணைவராலும் மக்களாலும் சங்கடங்கள் ஏற்படும்.
நிலபுலங்கள்: சொத்துக்கள் சம்பந்தமான பிரச்னைகள் உண்டாகும். என்றாலும் சனி பலம் இருப்பதால் சமாளிப்பீர்கள். செவ்வாய்க்குப் பிரீதி, பரிகாரங்கள் செய்து கொள்வது அவசியமாகும்.
தொழில்: இரும்பு, எஃகு, எண்ணெய் வகையறாக்கள், தாதுப் பொருட்கள், பூமியிலிருந்து வெட்டி எடுக்கப்படும் பொருட்கள், கச்சாப் பொருட்கள் மூலம் லாபம் கிடைக்கும். ஏற்றுமதி-இறக்குமதி இனங்கள் ஆதாயம் தரும். தோல் பொருட்களால் வருவாய் கிடைக்கும். இயந்திரப்பணியாளர்கள், இன் ஜினீயர்கள், உத்தியோகஸ்தர்கள், கலைஞர்கள் ஆகியோர் விழிப்புடன் செயல்படுவது நல்லது.
மாதர்களுக்கு: எதிர்ப்புக்கள் அதிகரிக்கும். மன நிம்மதி குறையும்.
மாணவர்களுக்கு: படிப்பில் அதிக கவனம் செலுத்தினால்தான் ஓரளவாவது வளர்ச்சி காணமுடியும். விளையாட்டு விநோதங்களைத் தவிர்க்கவும்.
பணம் வரும் தேதிகள்: மே 2, 3.

விருச்சிகம்:
பொது: சூரியன், புதன், குரு, சுக்கிரன், ராகு ஆகியோர் சாதகமாக உலவுகிறார்கள். 2-ல் சனியும் 4-ல் கேதுவும் இருப்பது சிறப்பாகாது. ராசியை ராசிநாதன் செவ்வாய் பார்ப்பது நல்லது. இதனால் உடல் நலம் கவனிப்பின்பேரில் சீராகும். சுப காரியங்கள் நிகழும். நல்லவர்களின் ஆதரவைப் பெறுவீர்கள். உயர் பொறுப்புக்களும் பதவிகளும் உங்களைத் தேடிவரும். பயணத்தால் அனுகூலம் உண்டாகும். வாரப் பின்பகுதியில் முக்கியமான எண்ணங்கள் நிறைவேறும். விநாயகரையும் ஆஞ்சநேயரையும் வழிபடுவது நல்லது.
பொருளாதாரநிலை, குடும்பம்: பண வரவு அதிகரிக்கும். திடீர் அதிர்ஷ்ட வாய்ப்புக்கள் கூடிவரும். குடும்பத்தில் சில இடர்ப்பாடுகள் ஏற்படும். தாய் நலனில் அக்கறை தேவை. தந்தையாலும், மக்களாலும் நலம் உண்டாகும். உடன்பிறந்தவர்களால் தொல்லைகள் சூழும்.
நிலபுலங்கள்: சொத்துக்கள் சம்பந்தமான பிரச்னைகள் உண்டாகும். கேதுவுக்கும் விநாயகருக்கும் அர்ச்சனை, ஆராதனைகள் செய்துவருவது நல்லது.
தொழில்: கலைத்துறை ஊக்கம் தரும். அரசியல்வாதிகளுக்கும் அரசுப்பணியாளர்களுக்கும் வரவேற்பு கூடும். எலக்ட்ரிக்கல், எலக்ட்ரானிக்ஸ் இனங்கள் லாபம் தரும். அயல்நாட்டுத் தொடர்பு பயன்படும். உத்தியோகஸ்தர்களது எண்ணம் ஈடேறும். வாரப் பின்பகுதியில் தொழில் ரீதியாக நல்லதொரு திருப்பத்தைக் காணலாம். புதிய திட்டங்களைத் தீட்டித் தொழிலில் வளர்ச்சி காண்பீர்கள்.
மாதர்களுக்கு: அதிர்ஷ்ட வாய்ப்புக்கள் அதிகரிக்கும். மன மகிழ்ச்சி பெருகும். மகப்பேறு பாக்கியம் கிடைக்கும்.
மாணவர்களுக்கு: வெற்றி வாய்ப்புக்கள் கூடும். 4-ல் கேது இருப்பதால் விநாயகரை வழிபடுவது நல்லது.
பணம் வரும் தேதிகள்: மே 4, 5, 6 (முற்பகல்).
.
தனுசு:
பொது: சூரியன், செவ்வாய், சுக்கிரன், கேது ஆகியோர் சாதகமாக உலவுகிறார்கள். ஜன்ம ராசியில் சனி இருப்பது சிறப்பாகாது. இதனால் அதிகம் உழைக்க வேண்டிவரும். உடல் நலனில் கவனம் செலுத்துவது அவசியமாகும். அனுமன் சாலீஸா படிப்பதும், கேட்பதும் நல்லது.
பொருளாதாரநிலை, குடும்பம்: உழைப்புக்குரிய பயன் கிடைக்கும். வாரப் பின்பகுதியில் ஓரிரு அதிர்ஷ்ட வாய்ப்புக்கள் கூடிவரும். குடும்ப நலம் சீராகும். தந்தையாலும், உடன்பிறந்தவர்களாலும் அனுகூலம் உண்டாகும். கணவன் மனைவி உறவு நிலை திருப்தி தரும். மக்களால் நல்லதும் அல்லாததும் கலந்தவாறு பலன்கள் உண்டாகும்.
நிலபுலங்கள்: 4-ல் சுக்கிரனும் 6-ல் செவ்வாயும் இருப்பதால் சொத்துக்கள் சேரும். சொத்துக்கள் மூலம் வருவாயும் கிடைக்கும். வீடு, வாகனங்களை அழகுபடுத்திக் கொள்வீர்கள்.
தொழில்: ஆன்மிகத்துறையினருக்கு நல்ல வாய்ப்புக்கள் கூடிவரும். கலைஞர்களுக்கு வெற்றிகள் குவியும். பூர்விகத் தொழிலில் வளர்ச்சி காணலாம். இயந்திரப்பணிகள் ஆக்கம் தரும். இன் ஜினீயர்களது எண்ணம் ஈடேறும். தொழிலாளர்களும் உத்தியோகஸ்தர்களும் பொறுப்புடன் காரியமாற்றி வருவது நல்லது.
மாதர்களுக்கு: கேளிக்கை, உல்லாசங்களில் ஈடுபாடு கூடும். மன உற்சாகம் பெருகும். ஆடை, அணிமணிகள் சேரும்.
மாணவர்களுக்கு: முன்னேற்றமான பாதை தெரியவரும். போட்டிகளில் வெற்றி கிடைக்கும்.
பணம் வரும் தேதி: மே 6 (பிற்பகல்).

மகரம்:
பொது: புதன், குரு, சுக்கிரன் ஆகிய சுபக்கிரகங்களின் சஞ்சாரம் அனுகூலமாக இருப்பதாலும், உங்கள் ராசியைக் குரு பார்ப்பதாலும் உடல் நலம் சீராக இருந்துவரும். மதிப்பும் அந்தஸ்தும் உயரும். சுப காரியங்கள் நிகழ வாய்ப்புக் கூடிவரும். நல்லவர்களின் நட்புறவு கிடைக்கும். அதனால் அனுகூலமும் உண்டாகும். ராகு, கேது, சனி ஆகியோருக்குப் பிரீதி, பரிகாரங்களைச் செய்து வருவது நல்லது.
பொருளாதாரநிலை, குடும்பம்: வார முன்பகுதியில் பண வரவு சற்று கூடும். கொடுக்கல்-வாங்கல் லாபம் தரும். குடும்பத்தில் அமைதி காண அரும்பாடுபட வேண்டிவரும். நண்பர்கள், உறவினர்கள் ஆகியோர் உதவி புரிவார்கள். மக்களாலும், வாழ்க்கைத்துணைவராலும் அளவோடு நலம் உண்டாகும்.
நிலபுலங்கள்: சொத்து சம்பந்தமான பிரச்னைகள் ஏற்படும். என்றாலும் ஓரளவு வருவாயும் கிடைக்கும். சூரிய நாராயணரை வழிபடவும்.
தொழில்: கலைத்துறையினருக்கு வெற்றி வாய்ப்புக்கள் அதிகரிக்கும். வியாபாரிகளுக்கு 3-ஆம் தேதி முதல் லாபம் கூடும். உத்தியோகஸ்தர்கள், ஆன்மிகவாதிகள், மருத்துவர்கள், விஞ்ஞானிகள் ஆகியோர் தங்கள் நிலை உயரப் பெறுவார்கள். தொழிலாளர்களும் விவசாயிகளும் பொறுப்புடன் செயல்படுவது நல்லது.
மாதர்களுக்கு: வெற்றிகள் குவியும். நல்ல தகவல் வந்து சேரும். முயற்சி வீண்போகாமல் இருக்கும்.
மாணவர்களுக்கு: செழிப்பான சூழ்நிலை நிலவிவரும். சூரியனை வழிபடவும்.
பணம் வரும் தேதிகள்: ஏப்ரல் 30, மே 1.

கும்பம்:
பொது: சூரியன், சுக்கிரன், சனி ஆகியோர் அனுகூலமாக உலவுகிறார்கள். உடல் நலம் சீராக இருக்கும். மதிப்பும் அந்தஸ்தும் செல்வாக்கும் உயரும். புதிய பதவிகள் வந்து சேரும். முக மலர்ச்சி ஏற்படும். இனிமையான பேச்சால் மற்றவர்களைக் கவர்ந்திழுப்பீர்கள். உழைப்பு வீண்போகாது. நிர்வாகத்திறமை அதிகரிக்கும். சர்ப்ப சாந்தி செய்து கொள்ளவும். ஸ்ரீ லட்சுமி நரசிம்மரை வழிபடுவது நல்லது.

பொருளாதாரநிலை, குடும்பம்: பண நடமாட்டம் அதிகரிக்கும். கொடுக்கல்-வாங்கல் லாபம் தரும். குடும்பத்தில் குதூகலம் கூடும். விருந்து, உபசாரங்களில் ஈடுபாடு அதிகமாகும். கணவன் மனைவி உறவு நிலை திருப்தி தரும். தந்தையால் நலம் உண்டாகும். நல்ல வேலையாட்கள் அமைவார்கள். மக்கள் நலனில் அக்கறை தேவை.
நிலபுலங்கள்: சொத்துக்கள் மூலம் வருவாய் கிடைத்து வரும். பழைய சொத்துக்களைப் புதுப்பித்துக் கொள்ள வாய்ப்பு உண்டாகும். வாகன யோகம் ஏற்படும்.
தொழில்: கலைஞர்கள் வெற்றிப் படிகளில் ஏறுவார்கள். அரசுப்பணியாளர்களுக்கு முன்னேற்றமான சூழ்நிலை நிலவிவரும். தொழிலாளர்களுக்கும் விவசாயிகளுக்கும் சுபிட்சம் உண்டாகும். உத்தியோகஸ்தர்கள், வியாபாரிகள், எழுத்தாளர்கள், பத்திரிகையாளர்கள் ஆகியோர் விழிப்புடன் செயல்பட்டால் சங்கடங்களுக்கு ஆளாகாமல் தப்பலாம்.
மாதர்களுக்கு: குடும்பத்தாரால் புகழப் படுவீர்கள். பண வரவு கூடும். மனத்தில் உற்சாகம் பெருகும்.
மாணவர்களுக்கு: புதன் 3-லும் குரு 8-லும் இருப்பதால் முன்னேற்றம் காணக் குறுக்கீடுகளும் தடைகளும் உண்டாகும். பக்குவமாகச் சமாளிப்பது நல்லது.
பணம் வரும் தேதிகள்: மே 2, 3.

மீனம்:
பொது: செவ்வாய், புதன், குரு, சுக்கிரன், சனி, ராகு ஆகியோர் சாதகமாக உலவுகிறார்கள். சூரியன் 2-ல் இருப்பது சிறப்பாகாது. உடல் நலனில் கவனம் தேவை. பேச்சில் நிதானத்தைக் கடைப்பிடிப்பது அவசியமாகும். சுபக் கிரகங்களின் சஞ்சாரம் சிறப்பாக இருப்பதால் சுப காரியங்கள் நிகழ வாய்ப்புக் கூடிவரும். மனத்தில் துணிவும் தன்னம்பிக்கையும் அதிகரிக்கும். திறமை வீண்போகாது. ஆதித்தனை வழிபட்டுவருவது நல்லது.
பொருளாதாரநிலை, குடும்பம்: பண வரவு சீராகவே இருந்துவரும். கடனாகக் கேட்டிருந்த பணமும் இப்போது கிடைக்கும். குடும்பத்தில் சிறுசிறு பிரச்னைகள் ஏற்பட்டு விலகும். நண்பர்களும் உறவினர்களும் உதவி புரிவார்கள். கணவன் மனைவி உறவு நிலை திருப்தி தரும். எதிரிகள் அடங்குவார்கள்.
நிலபுலங்கள்: புதிய சொத்துக்கள் சேரும். சொத்துக்கள் மூலம் வருவாய் கிடைத்துவரும். நிலம் வாங்கி, வீடு கட்டும் பாக்கியம் சிலருக்கு அமையும். சொத்து சம்பந்தமான பிரச்னைகள் தீரும்.
தொழில்: கலைத்துறையினருக்கு வெற்றிகள் குவியும். ஆடை, அணிமணிகள் லாபம் தரும். வியாபாரிகளுக்கு அதிக லாபம் கிடைக்கும். தகவல் தொடர்பு இனங்கள் ஆக்கம் தரும். உத்தியோகஸ்தர்களும் தொழிலாளர்களும் தங்கள் நிலை உயரப் பெறுவார்கள். வெளிநாட்டுத் தொடர்பு பயன்படும்.
மாதர்களுக்கு: மன மகிழ்ச்சி கூடும். புதிய ஆடை, அணிமணிகள் சேரும். கேளிக்கை, உல்லாசங்களில் ஈடுபாடு உண்டாகும்.
மாணவர்களுக்கு: வெற்றி வாய்ப்புக்கள் அதிகரிக்கும். வெளிநாடு சென்று படிப்பதற்கான சந்தர்ப்பம் சிலருக்கு உருவாகும்.
பணம் வரும் தேதிகள்: மே 4, 5, 6 (முற்பகல்).