Connect with us

Cinemapettai

வருஷா வருசம் விஸ்வரூபம் எடுக்கும் வார்னர்!

வருஷா வருசம் விஸ்வரூபம் எடுக்கும் வார்னர்!

புதுடெல்லி: ஐபிஎல் தொடரில் ஐதராபாத் அணி கேப்டன் வார்னர் விஸ்வரூபம் எடுத்து வருகிறார்.

இந்தியாவில் நடக்கும் உள்ளூர் டி-20 கிரிக்கெட் தொடரான ஐபிஎல் தொடர், 10வது ஆண்டாக வெற்றிகரமாக துவங்கி நடந்து வருகிறது. இதில் டெல்லியில் நடக்கும் 40வது லீக் போட்டியில், ஐதராபாத், டெல்லி அணிகள் மோதுகின்றன. இதில் டெல்லி அணி, ஐதராபாத் அணியை 6 விக்கெட் வித்தியாசத்தில் வீழ்த்தியது.

இத்தொடரில் 10 போட்டிகளில் பங்கேற்றுள்ள ஐதராபாத் அணி கேப்டன் வார்னர் 489 ரன்கள் குவித்து இந்த ஆண்டுக்கான தொடரில் முதலிடத்தில் உள்ளார். இவர் வருடாவருடம் நடக்கும் ஐபிஎல் கிரிக்கெட் தொடரில் விஸ்வரூபம் எடுத்துக்கொண்டே உள்ளார்.

கடந்த 2014ல் நடந்த ஐபிஎல் தொடரில், 528 ரன்கள் குவித்த வார்னர், அதிகரன்கள் எடுத்த வீரர்கள் பட்டியலில் 4வது இடம் பிடித்தார். இதேபோல 2015ல் அதிக ரன்கள் (532 ரன்கள்) சேர்த்த வார்னர், 2016ல் (848 ரன்கள்) இரண்டாவது இடம்பிடித்தார்.

தொடர்ந்து நான்காவது ஆண்டாக வார்னர், அதிக ரன்கள் சேர்த்த வீரர்கள் பட்டியலில் டாப் பட்டியலில் உள்ளார். இந்த ஆண்டு 10 இன்னிங்சில் விளையாடியுள்ள வார்னர் 489 ரன்கள் குவித்துள்ளார். இவருக்கு அடுத்த படியாக இரண்டாவது இடத்தில் உள்ள கொல்கத்தா கேப்டன் காம்பிர் (387 ரன்கள்), வார்னரை விட 102 ரன்கள் பின் தங்கியுள்ளார். அதனால், இந்த ஆண்டும் வார்னரே, அதிகரன்கள் சேர்த்த வீரருக்கான பரிசை வெல்வார் என்ற எதிர்பார்ப்பு ஏற்பட்டுள்ளது.

Continue Reading
Click to comment

Leave a Reply

Your email address will not be published. Required fields are marked *

அதிகம் படித்தவை

To Top