fbpx
Connect with us

அஜீத் ஹெலிகாப்டருடன் நிற்கும் புதிய படம் வெளியீடு!

அஜீத் ஹெலிகாப்டருடன் நிற்கும் புதிய படம் வெளியீடு!

‘விவேகம்’ படத்தில் நடிகர் அஜீத் ஹெலிகாப்டருடன் நிற்கும் புகைப்படம் தற்போது வெளியாகியுள்ளது.

இயக்குனர் சிவா இயக்கத்தில் நடிகர் அஜீத் தற்போது ‘விவேகம்’ படத்தின் நடித்து வருகிறார். இப்படத்தின் படப்பிடிப்பு இறுதிக்கட்டத்தை எட்டியுள்ளது, இந்நிலையில் சமீபகாலமாக வாரம் வாரம் புதிய அஜீத் புகைப்படங்கள் வெளிவர தொடங்கியுள்ளன. அந்த வகையில் இன்று அஜீத் ஹெலிகாப்டருடன் நிற்கும் புதிய புகைப்படம் வெளியாகி சமுகவலைத்தளத்தை கலக்கி வருகிறது.

ஏற்கனவே இயக்குனர் வெளியிட்ட ‘விவேகம்’ திரைப்பட போஸ்டரில் அஜித்தின் வலிமையான உடற்கட்டை வெளிப்படுத்தும் விதமாக அமைந்த போஸ்டர் சமூக வலைத்தளங்களில் இந்தியளவில் டாப் டிரண்டானது. அதைத் தொடர்ந்து வெளியான அடுத்தடுத்த போஸ்டர்களும் நல்ல வரவேற்பை பெற்றது.

அஜித், காஜல் அகர்வால், அக்ஷரா ஹாசன் இணைந்து நடித்து வரும் இப்படத்தில் பாலிவுட் நடிகர் விவேக் ஓபராய் வில்லனாக நடிக்கிறார். இதன் மூலம் விவேக் ஓபராய் தமிழில் அறிமுகமாகவிருக்கிறார். இப்படத்தின் டீசர் தல அஜித்தின் பிறந்தநாளான மே 1ஆம் தேதி வெளியிட படக்குழு திட்டமிட்டு வருவதாக கூறப்படுகிறது. சத்யஜோதி ஃபிலிம்ஸ் தயாரிப்பில் உருவாகி வரும் இப்படத்துக்கு அனிருத் இசையமைத்து வருகிறார்.

மேலும் ‘பில்லா 2’ படம் போல் இப்படத்திலும் ஒரு ஹெலிகாப்டர் சண்டை காட்சி இடம்பெறும் என்று உறுதியாகியுள்ளது.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top