ரவுண்ட் டேபிள் இந்தியாவின் ‘தமிழகத்தின் பெருமை’ விருதுகளை நடிகர் விஷால் துவக்கி வைத்துப் பேசினார்.

விழாவில் நடிகர் விஷால் பேசும்போது, “ரவுண்ட் டேபிள் இந்தியா எனக்கு தரவுள்ள 2 லட்சம் ரூபாயை தமிழகத்தில் உள்ள எளிய விவசாயிகள் பயனடையும் வகையில் அவர்களுக்கு கொடுக்குமாறு கேட்டுக்கொள்கிறேன்,” என்றார்.

14 வெவ்வேறு பிரிவுகளை உள்ளடக்கியது இந்த விருது. இவ்விருதுக்கு திறமையுள்ள அனைவரும் www.prideoftamilnadu.com என்ற இணையதளத்தின் மூலம் விண்ணபிக்கலாம்.

வாழ்க்கையில் வெவ்வேறு துறையில் பயணிக்கும் 8 ஜாம்பவான்களை ‘தமிழகத்தின் பெருமை’ விருதுகளுக்கான நடுவர்களாக அறிவித்துள்ளது ரவுண்ட் டேபிள் இந்தியா.

அந்த நடுவர்கள்: டாக்டர் மரியஜீனா ஜான்சன், லதா ராஜன், சிம்ரன், முகமது ஆசிப் அலி, சந்திர பாரதி, ஹேமா ருக்மணி, சந்தோஷ் பாபு, நிர்மலா லக்ஷ்மணன்.