vishal
vishal

சினிமா துறையே கடந்த 1 மாத காலமாக முடங்கி கிடக்கிறது ஆம் தயாரிப்பாளர் சங்கம் ஸ்ட்ரைக் நடத்தி வருகிறது அதனால் புது படங்கள் திரையிடுவதில்லை போஸ்ட் புரடக்ஷன் பணிகள் நடப்பது இல்லை சொல்லபோனால் படபிடிப்பே நடக்கவில்லை.

vishal

தயாரிப்பாளர் சங்க தலைவர் விசால் வைக்கும் நியாயமான கோரிக்கைகள்:

1. மக்களிடம் டிக்கட் கட்டணத்திற்கு மேல் அதிகமாக வாங்கும் ஆன்லைன் கட்டணத்தை குறைக்க வேண்டும், 2. டிக்கட் கட்டணத்தை குறைத்து ஏழை, நடுத்தர, உயர்தர மக்கள் மூன்று தரப்பினரும் படம்பார்க்க டிக்கட் கட்டணத்தை முன்பு இருந்ததுபோல் முதல் வகுப்பு, இரண்டாம் வகுப்பு, மூன்றாவது வகுப்பு, என முறைபடுத்த வேண்டும்,

3. தயாரிப்பாளர்கள் முன்பு தியேட்டர்களுக்கு பிரிண்ட் தந்ததுபோல் தற்போது படத்தை மாஸ்டிரிங் செய்து கண்டன்ட் தருகிறோம். ப்ரொஜக்டர் வைத்து திரையிடுவது திரை அரங்க உரிமையாளர்களின் பொறுப்பு,

4. அனைத்து தியேட்டர்களிலும் கம்ப்யூட்டர் பொருத்தப்பட்டு அனைவருக்கும் உண்மையான வசூலை வெளிப்படையாக தெரிவிக்க வேண்டும். அவ்வாறு செய்யப்படும்போது அந்த படத்தின் வசூல் உண்மையிலேயே குறைவாக இருந்தால் அதற்கு ஏற்றார்போல் நடிகர்கள் மற்றும் டெக்னீசியன்கள் சம்பளம் குறைக்க படவேண்டும்,

5. ஒவ்வொரு ஏரியாவிலும் சில நபர்களால் 80% தியேட்டர்கள் கையகப்படுத்தப்பட்டு தயாரிப்பாளர்களுக்கு முறையாக கிடைக்க வேண்டிய தியேட்டர்கள் தடுக்கபடுவதும் திரையிடும் தியேட்டர்களில் தரப்படும் டெபாஸிட் பணம் கொடுக்கப்படாமலும் தனிநபர்களால் செய்யப்படுகிறது. மற்றும் வசூல் தொகையில் மிகக்குறைவான சதவீதம் பணமே ஷேர் தொகையாக அதுவும் பல மாத இழுத்தடிப்பிற்கு பிறகே தயாரிப்பாளர்களுக்கு கொடுக்கப்படுகிறது. இதனால் தயாரிப்பாளர்களுக்கு மிகப்பெரிய இழப்பு ஏற்படுகிறது. அதனால் சிண்டிகேட் இல்லாமல் இனிமேல் அந்தந்த தியேட்டர் உரிமையாளர்கள்தான் நேரடியாக தயாரிப்பாளர்களுடன் படத்தை திரையிட ஒப்பந்தம் செய்ய வேண்டும்.

இன்றைக்கு மக்கள் அன்றாட பிரச்சனைகள் பலவற்றை சந்தித்துவரும் நிலையில் மக்களுக்கு பொழுதுபோக்காக அமைவது சினிமா. அவர்களுடைய சுமையை குறைக்கும் விதத்தில் திரையரங்கு உரிமையாளர்கள் துரிதமாக செயல்பட்டு திரையரங்கு கட்டணத்தை குறைத்தால் மக்கள் குடும்பங்களாய் திரையரங்குகளுக்கு வந்துசெல்வர்கள் விஷால் தலைவர் – தமிழ் திரைப்பட தயாரிப்பாளர்கள் சங்கம்.