தொலைக்காட்சியில் சமீபத்திய டிரென்டிங்காக பிக்பாஸ் நிகழ்ச்சி மாறியுள்ளது. வீட்டில் பெண்களை ஆக்கிரமித்து இருந்த சீரியலுக்கு மாற்றாக புதுவரவாக தற்போது பிக்பாஸ் நிகழ்ச்சி அமைந்துள்ளது.

இந்த நிகழ்ச்சி பற்றி நிறைய பேருக்கு முழுவதும் தெரிந்திருக்க வாய்ப்பில்லை. ஹிந்தியில் பல வருஷமா ஓடிட்டு இருக்கிற நிகழ்ச்சி. இப்போ தமிழ்நாட்டுக்கு வந்திருக்கு 100 நாள்னு சொன்னாலும் அதோட சூட்டிங்க மிஞ்சி போனா பத்தே நாள்ல முடிச்சிடுவாங்க.

அதை அரை மணி நேரம் அல்லது ஒரு மணி நேரம் என பிரிச்சு 100 நாளைக்கு ஒளிபரப்புவாங்க. என்னன்ன நடக்கனும், பேசனும்னு எல்லாமே முன்னாடியே ஸ்கிரிப்ட் ரெடி பண்ணிட்டு தான் சூட்டிங் தொடங்குவார்களாம்.

ஒவ்வொருத்தரா மக்கள் ஓட்டு போட்டு வெளியேத்திட்டு இருப்பாங்க, ஆனா உண்மையிலேயே யாரு வெளியேரனும்னு முடிவு பண்ணிதான் அதுக்கு ஏத்த மாதிரி காட்சிகள் அமைக்க பட்டிருக்கும்.

நிறைய சண்டைகள், மோதல்கள், விவாதம், சச்சரவில் தொடங்கி காதல், கள்ளக்காதல், பாலியல் தொல்லைகள் உட்பட நடப்பதுபோல் காட்சிகள் அரங்கேறும்.

மக்கள் அதை கண்டு கொதித்தெழுந்து தவறு செய்தவனுக்கு எதிராக ஓட்டு அளித்து வெளியேற்றும்படி நடைபெறும் சிலர் தாங்களாகவே உள்ளே இருக்க முடியாமல் கோபத்தில் வெளியேருவது போல் வைத்து டிஆர்பியை ஏற்றுவார்கள்.

இளைஞர்களை கவர வீட்டினுள் கவர்ச்சியான அரைகுறை ஆடைகளையே அணிந்து வருவார்கள் நடிகைகள். இறுதியில் அவர்கள் முடிவு செய்தபடியே ஒருவரை மக்களே தேர்ந்தெடுத்தது போல் பரிசு வழங்கி அடுத்த சீசனுக்கான வேலைகள் தொடங்கி விடும்.

இது எல்லாம் தானாக நடப்பதாக நம்பி நீங்களும் சுவாரசியமாக பார்க்க ஆரம்பித்து விடுவீர்கள். இதுவரை அக்கம் பக்கத்து வீட்டில் என்ன நடக்கிறது என பார்த்து வந்த மக்கள், இனி இந்த வீட்டில் என்ன நடக்கிறது என பார்க்க ஆரம்பித்து விடுவார்கள்.

அடுத்தவர் வீட்டில் நடப்பதை மிகுந்த அக்கறை கொண்டு எட்டி பார்க்கும் நம் மன ஓட்டமே இந்த நிகழ்ச்சியின் உயிர் நாடி அதை வைத்தே கலாச்சாரத்தை அழித்து காசு பார்க்கிறார்கள்.