Connect with us
boomerang-movie

சசிகலா முதல்வராக வேண்டும்: முன்னாள் எம்பி., மற்றும் நடிகை விஜயசாந்தி ஆதரவு!

News | செய்திகள்

சசிகலா முதல்வராக வேண்டும்: முன்னாள் எம்பி., மற்றும் நடிகை விஜயசாந்தி ஆதரவு!

முன்னாள் எம்.பி., மற்றும் நடிகையான விஜயசாந்தி, அதிமுக பொதுச் செயலாளர் சசிகலா, முதல்வராக வரவேண்டும் என ஆதரவு தெரிவித்துள்ளார்.

சென்னையை பூர்வீகமாகக் கொண்டவர் விஜயசாந்தி. எனினும், பின்னாளில் அவரது குடும்பம், தெலுங்கானாவுக்குக் குடிபெயர்ந்து சென்றுவிட்டது. இவர், கடந்த 1980களில் தொடங்கி, தமிழ், தெலுங்கு உள்ளிட்ட மொழிகளில் அதிரடி ஆக்சன் கதாநாயகியாக நடித்துப் புகழ் பெற்றார்.

150க்கும் அதிகமான படங்களில் நடித்துள்ள விஜயசாந்தி, நடிப்பில் இருந்து விலகி, அரசியலில் ஈடுபட்டுள்ளார். தற்போது 50 வயதாகும் அவர், பாஜக, தெலுங்கானா ராஷ்ட்ரீய சமிதி உள்ளிட்ட கட்சிகளில் செயல்பட்டு, தற்போது காங்கிரஸ் கட்சியின் உறுப்பினராக இணைந்துள்ளார்.

நாடாளுமன்ற உறுப்பினராகவும் பதவி வகித்துள்ள விஜயசாந்தி, தமிழக அரசியலில் தற்போது நிலவும் சூழல் பற்றி கருத்து வெளியிட்டுள்ளார். அதில், அதிமுக பொதுச் செயலாளர் சசிகலா முதல்வராக வேண்டும் எனக் கூறியுள்ளார்.

‘’பெரும்பான்மை எம்எல்ஏ.,க்கள், எம்பி.,க்களின் ஆதரவைப் பெற்று, ஆளுங்கட்சியின் பொதுச் செயலாளராக உள்ள சசிகலாவே, சட்டப்படி ஆட்சியமைக்கும் அதிகாரம் பெற்றுள்ளார். அவரையே, ஆளுநர் வித்யாசாகர் ராவ், தேர்வு செய்ய வேண்டும். இந்த விவகாரத்தில் கால நீட்டிப்பு செய்வது ஏற்படையதல்ல,’’ எனவும் விஜயசாந்தி குறிப்பிட்டுள்ளார்.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top