Vaiko-Narendra Modi

விவசாயிகள் தானே… அரை நிர்வாணமாக இருந்தால் என்ன என்று பிரதமர் அலட்சியமாக இருப்பதாக மதிமுக பொதுச்செயலாளர் வைகோ குற்றம்சாட்டியுள்ளார்.

2009ஆம் ஆண்டு தமிழகத்தில் தடைசெய்யப்பட்ட விடுதலைப்புலிகள் இயக்கத்துக்கு ஆதரவாகப் பேசியதால், மதிமுக பொதுச்செயலாளர் வைகோ மீது தேச துரோக வழக்கு தொடரப்பட்டது. இவ்வழக்கில் ஏப்ரல் 2ஆம் தேதி அவரை 15 நாட்கள் நீதிமன்றக்காவலில் வைக்க உத்தரவிடப்பட்டது. 15 நாள் காவல் முடிந்து இன்று சென்னை எழும்பூர் நிதிமன்றத்தில் ஆஜரான அவருக்கு ஏப்ரல் 27 வரை நீதிமன்றக்காவல் நீட்டிக்கப்படுவதாக நீதிபதிகள் உத்தரவிட்டனர்.

இதனைத் தொடர்ந்து செய்தியாளர்களிடம் பேசிய வைகோ, “விவசாயிகள் தானே… அரை நிர்வாணவமாக இருந்தால் என்ன? என்று பிரதமர் நரேந்திர மோடி அலட்சியமாக இருக்கிறார். கார்ப்பரேட்டுகளுக்கு ஆதரவாக மத்திய அரசு செயல்படுவதை ஆதாரத்துடன் கூறுவதாக அவர் தெரிவித்தார். இப்போதாவது, பிரதமர் நரேந்திர மோடி டெல்லியில் போராடும் விவசாயிகளைச் சந்தித்துப் பேசி, அவர்களது கோரிக்கைகளை ஏற்க வேண்டும் என்றும் வைகோ வலியுறுத்தினார்.