fbpx
Connect with us

Cinemapettai

படம் முழுக்க தல தளபதியுடன் வடிவேலு.. பழைய வைகை புயலாக திரும்பும் கைப்புள்ள

Tamil Cinema News | சினிமா செய்திகள்

படம் முழுக்க தல தளபதியுடன் வடிவேலு.. பழைய வைகை புயலாக திரும்பும் கைப்புள்ள

நடிகர் வடிவேலு நீண்ட இடைவெளிக்குப் பின் செகண்ட் இன்னிங்சில் கத்தி சண்டை படத்தில் அடியெடுத்து வைத்தார். ஆனால் எதிர்பார்த்தபடி அந்த படம் அவ்வளவாக போகவில்லை. சிம்பு தேவன் இயக்கத்தில் இம்சை அரசன் 23ம் புலிகேசி இரண்டாம் பாகத்தில் இவருடைய தொந்தரவால் படமே நின்றது. ஹாலிவுட்டிற்கு செல்லும் வடிவேலு என்ற செய்திகள் வந்தது அதுவும் நின்றது.

அதன்பின் பெயர் வைக்காத ஜி.வி.பிரகாஷ் படம் உள்பட சில படங்களில் நடிக்க ஒப்பந்தமாகி இருந்தார். இதுபோன்ற சின்னச்சின்ன படங்களில் மட்டும் தலையைக் காட்டிக்கொண்டு இருந்தால் முன்பு போல பெரிய ரவுண்ட் வர முடியாது என்று கணித்துவிட்டார் வடிவேலு. எனவே உச்ச நட்சத்திரமான விஜய், அஜித் படங்களில் நடிப்பதற்கு முடிவுசெய்து, அதற்கான வேலை செய்யும் நடவடிக்கைகளில் இறங்கி விட்டார் வடிவேலு.

அடுத்து பிரமாண்ட படத்தில் விஜய்யுடன் படம் முழுக்க இணைந்து நடிக்கும் கேரக்டர் ரோலுக்கு வடிவேலு தேர்வு ஆவார் என்று சொல்கிறார்கள். வழக்கமாக ஒரு நாள் கால்ஷீட்டுக்கு சம்பளம் வாங்கிக் கொண்டு நடிக்கும் வடிவேலு. இப்போது விஜய்யுடன் நடிக்கும் படத்துக்காக மொத்தமாக ஒரு தொகை வாங்க போகிறாராம்.

அடுத்து அஜித் நடித்த ராஜா படத்தின் படப்பிடிப்பில் ஏற்பட்ட சிறு மனக் கசப்பால் கடந்த 15 ஆண்டுகளுக்கு முன்பே வடிவேலுவுடன் நடிப்பதை நிறுத்திக் கொண்டார் அஜித். பின்பு ஒரு நாள் அஜித்தைக் கண்ட வடிவேலு உடனே ஓடி சென்று அவரைக் கட்டியணைத்துக் கொண்டார் என்கிறார்கள்.

பழசை எல்லாம் மறந்த இருவரும் மகிழ்ந்து, நெகிழ்ந்து பேசிக்கொண்டு இருந்தார்களாம். அதன்பின் அஜித் தனது புதுப்படத்தில் வடிவேலுவை நடிக்க வைப்பதாகச் சொல்ல வடிவேலுவும் நெகிழ்ந்து விட்டாராம். சமீபத்தில் கமல் பற்றி வடிவேலு சொன்ன ரகசியம் கமல் 60 நிகழ்ச்சியில் வெளிவந்தது. ஆரவாரமாக பேசினார். அடுத்த இன்னிங்க்ஸ் தொடங்கியதாக சொன்னார். இந்த இன்னிங்க்ஸ் வெற்றியில் முடியுமா பார்க்கலாம்..

Continue Reading
Click to comment

Leave a Reply

Your email address will not be published.

To Top