சென்னை: இரட்டை இலை சின்னத்தை பெற லஞ்சம் பெற்றதாக எழுந்த புகாரில், டெல்லி குற்றப்பிரிவு போலீசார் முன்னிலையில் டிடிவி தினகரன் இன்று ஆஜராகவுள்ளதாக கூறப்படுகிறது.

அதிமுக கட்சி மற்றும் இரட்டை இல்லை சின்னம் தொடர்பாக தேர்தல் ஆணையம் விசாரணை மேற்கொண்டு வரும் நிலையில், இரட்டை இலை சின்னதை பெற்று தர லஞ்சம் வாங்கியதாக தலைநகர் டெல்லியில் சுகேஷ் சந்திரா என்பவர் கைது செய்யப்பட்டுள்ளார். மேலும், அவரிடம் ரூ.1.30 கோடி ரூபாயையும் டெல்லி போலீசார் பறிமுதல்செய்துள்ளனர். அவரிடம் போலீசார் நடத்திய விசாரணையில், டிடிவி தினகரனிடம் இருந்து லஞ்சம் பெற்றதாக அவர் வாக்குமூலம் அளித்துள்ளதாக தெரிகிறது.

அதிகம் படித்தவை:  ஜெ., உயில் என்னிடம்: தீபக் 'திடுக்' தகவல்

விசாரணையின் அடிப்படையில், இரட்டை இலை சின்னத்தை பெற்றுத் தர லஞ்சம் கொடுத்ததாக, டிடிவி தினகரன் மீது டெல்லி குற்றப்பிரிவு போலீசார் வழக்குப்பதிவு செய்துள்ளனர். அதன்படி, அவரிடம் விசாரணை நடத்த டெல்லி குற்றப்பிரிவு காவல்துறை முடிவுசெய்தது. தொடர்ந்து, தினகரனை விசாரணைக்கு அழைப்பதற்கான சம்மனை, தினகரனின் வீட்டுக்கே நேரில் வந்து டெல்லி காவல்துறை அதிகாரிகள் கொடுத்து விட்டுச் சென்றார்கள்.

அதிகம் படித்தவை:  என் தற்கொலைக்கு காரணம் இருவர்தான்... வெளியானது வில்லங்க விஜயாபாஸ்கர் கூட்டாளி சுப்பிரமணியம் கடிதம்!

சம்மனை பெற்றுக் கொண்ட தினகரன், ஆஜராவதற்கு கால அவகாசம் கோரியுள்ளதாகவும், அவரது கோரிக்கையை டெல்லி காவல்துறை நிராகரித்ததாகவும் தகவல்கள் வெளியாகின. இந்நிலையில், டெல்லி போலீசார் முன்பு விசாரணைக்கு தினகரன் இன்று நேரில் ஆஜராவார் என கூறப்படுகிறது.