neduvasal

புதுக்கோட்டை: நெடுவாசல் போராட்டத்துக்கு, புதுக்கோட்டையில் இருந்து பேரணியாக செல்ல முயன்ற 30 பேரை போலீசார் கைது செய்துள்ளனர்.

ஹைட்ரோ கார்பன் திட்டத்தை எதிர்த்து, சுமார் 20 நாட்களுக்கும் மேலாக நெடுவாசலில் போராட்டம் நடத்தப்பட்டது. மத்திய மாநில அரசுகள் கொடுத்த வாக்குறுதியையடுத்து பொது மக்கள் போராட்டத்தை கைவிட்டனர்.

ஆனால், அதனை மீறி ஹைட்ரோ கார்பன் திட்டம் தொடர்பாக தனியார் நிறுவனங்களுடன் மத்திய அரசு புரிந்துணர்வு ஒப்பந்தம் போட்டுள்ளது. இதற்கு தமிழகம் முழுவதும் மீண்டும் எதிர்ப்பு வலுத்துள்ளது.

குறிப்பாக, புதுக்கோட்டை நெடுவாசலில் பொதுமக்கள் உள்ளிட்ட பலர் கடந்த நான்கு நாட்களாக போராட்டத்தில் ஈடுபட்டுள்ளனர். இந்நிலையில், நெடுவாசல் போராட்டத்தில் கலந்து கொள்வதற்காக , புதுக்கோட்டையில் இருந்து இருசக்கர வாகனத்தில் பேரணியாக செல்ல முயன்ற 30 பேரை போலீசார் கைது செய்துள்ளனர்.