Connect with us
Cinemapettai

Cinemapettai

shivin-bigboss

Videos | வீடியோக்கள்

எங்கள மாதிரி இருக்கிற ஒவ்வொருத்தருக்கும் ஒரு கதை இருக்கு.. ஆதங்கத்தோடு குமுறிய சிவின்

விஜய் டிவியில் ஒளிபரப்பாகி கொண்டிருக்கும் பிக்பாஸ் நிகழ்ச்சி தினந்தோறும் ஒவ்வொரு சுவாரசியத்தை ஏற்படுத்தி வருகிறது. அந்த வகையில் வெளியாகும் ப்ரோமோக்களும் ரசிகர்களை பெருமளவில் கவர்ந்துள்ளது. அதில் தற்போது வெளியாகி இருக்கும் ஒரு ப்ரோமோ மிகவும் உணர்ச்சி பூர்வமாக இருக்கிறது.

இந்த வாரம் போட்டியாளர்கள் தங்கள் வாழ்க்கையில் நடந்த சம்பவங்களை கதையாக கூற வேண்டும் என்ற டாஸ்க் அறிவிக்கப்பட்டுள்ளது. அந்த வகையில் நேற்றைய எபிசோடில் அசீம், ஜனனி, ஜனலட்சுமி, நிவாஷினி, ஏ டி கே ஆகியோர் பேசினார்கள். அதைத்தொடர்ந்து தற்போது வெளியாகி இருக்கும் ப்ரோமோவில் சிவின் கண்கலங்க பேசியிருக்கிறார்.

Also read:ஜனனியை கதறவிட்ட ஹவுஸ் மேட்ஸ்.. சைடு கேப்பில் கனகச்சிதமாய் காய் நகர்த்தும் போட்டியாளர்

அதில் திருநங்கையான சிவின் பிக் பாஸில் கலந்து கொண்டது எதற்காக என்று கூறியுள்ளார். மேலும் என் அம்மா நான் எங்கேயும் சென்று கஷ்டப்படக்கூடாது, எனக்கு வேலையே கிடைக்காது, அதனால் நான் வெளியில் பிச்சை எடுக்கக் கூடாது என்பதற்காகத்தான் என்னை சிங்கப்பூர் அனுப்பி வைத்தார்.

என் அம்மா எந்த தப்பும் செய்யல, அதே மாதிரி நானும் எந்த தப்பும் செய்யல. ஆனால் என்னோட இந்த பிரச்சனையால எங்க அம்மாவ விட்டு பிரிந்து இருக்கிற மாதிரி ஆயிடுச்சு. ஆனாலும் நான் இந்தியா திரும்பி வந்து உன்னை பார்த்து கொள்வேன் என்று அம்மாவிடம் சொன்னேன். ஆனால் என் அம்மா அதற்கு மறுப்பு தெரிவித்து விட்டார்.

Also read:மணிகண்டனை ஓரம் கட்டி கலக்கிய தனலட்சுமி.. ஓவர் நைட்டில் ட்ரெண்டான சம்பவம்

அம்மா சொல்றத நான் கேட்காததுனால அவர் என்னிடம் பேசுவதையே நிறுத்தி விட்டார். பாசம் இல்லாம, படிப்பு இல்லாம தனிமையில தவிச்சுக்கிட்டு இருக்க என்ன மாதிரி இருக்கிறவங்களோட நிலைமை மாறனும். அப்படின்னா என்ன மாதிரி இருக்கிறவங்களோட கதை இந்த சமுதாயத்தில் கேட்கப்பட வேண்டும் என்று அவர் ஆதங்கத்தோடு தெரிவித்துள்ளார்.

அந்த ஒரு காரணத்துக்காக தான் நான் பிக் பாஸ் வீட்டுக்குள் வந்தேன் என்று அவர் கண்ணீருடன் கூறியது போட்டியாளர்கள் உட்பட அனைவரையும் கண்கலங்க வைத்துள்ளது. இவ்வாறு வெளியாகி உள்ள இந்த ப்ரோமோ தற்போது ரசிகர்களின் ஆதரவை பெற்று வருகிறது. மேலும் இந்த பிக் பாஸ் வீட்டில் நீங்கள் சிறப்பாக விளையாடி வருவதால் இறுதிப் போட்டிக்கு நிச்சயம் செல்வீர்கள் என்ற கமெண்ட்களையும் ரசிகர்கள் கொடுத்து வருகின்றனர். பிக் பாஸ் வீட்டில் இதுவரை மிகவும் அமைதியாக வலம் வரும் சிவினுக்கு இப்போது ரசிகர்களின் ஆதரவு கொஞ்சம் கொஞ்சமாக அதிகரிக்க ஆரம்பித்துள்ளது.

பிக்பாஸ் ப்ரோமோ 

Also read:பிக்பாஸ் சீசன் 6 ஆண் போட்டியாளர்கள் வாங்கும் ஒரு நாள் சம்பளம்.. முதல் இடத்தில் இருக்கும் பிரபலம்

Continue Reading
To Top