கோகுல் இயக்கத்தில் கார்த்தி, நயன்தாரா, ஸ்ரீதிவ்யா, விவேக் உள்ளிட்ட பலர் நடிப்பில் உருவாகி வரும் படம் ‘காஷ்மோரா’. நீண்ட நாட்களாக இப்படம் தயாரிப்பில் இருந்து வருகிறது. தற்போது படப்பிடிப்பு முழுமையாக முடிவுற்று, கிராபிக்ஸ் பணிகள் தொடங்கப்பட்டு இருக்கிறது. எஸ்.ஆர்.பிரபு தயாரித்து வரும் இப்படம் தீபாவளிக்கு வெளியாகும் என படக்குழு அறிவித்திருக்கிறது.

ஹரி இயக்கத்தில் சூர்யா, அனுஷ்கா, ஸ்ருதிஹாசன் உள்ளிட்ட பலர் நடிப்பில் உருவாகி வரும் படம் ‘சிங்கம் 3’. ஹாரிஸ் ஜெயராஜ் இசையமைத்து வரும் இப்படத்தை ஸ்டூடியோ க்ரீன் நிறுவனம் தயாரித்து வருகிறது. இப்படத்தின் விநியோக உரிமையை உதயம் எண்டர்டெயின்மெண்ட் நிறுவனம் கைப்பற்றி தீபாவளி வெளியீட்டை உறுதி செய்திருக்கிறது.

அதிகம் படித்தவை:  துப்பறிவாளன் ஆரம்பமாவது உறுதி

சுராஜ் இயக்கத்தில் விஷால், வடிவேலு, சூரி, தமன்னா உள்ளிட்ட பலர் நடிப்பில் உருவாகி வரும் படம் ‘கத்தி சண்டை’. ஹிப் ஹாப் ஆதி இசையமைத்து வரும் இப்படத்தை நந்தகோபால் தயாரித்து வருகிறார். இறுதிகட்ட படப்பிடிப்பு தீவிரமாக நடைபெற்று வருகிறது. தீபாவளி இப்படம் வெளிவரும் என்று விஷால் தெரிவித்துள்ளார்.

அதிகம் படித்தவை:  தானா சேர்ந்த கூட்டம் படத்தின் கிளைமேக்ஸ் இது தான்.! Delete செய்யப்பட்ட காட்சிகள் இதோ.

இம்மூன்று படங்களுமே பெரும் பொருட்செலவில் உருவாகி வருகிறது. இவை அனைத்துமே தீபாவளி வெளியீடு என்பதை உறுதிப்படுத்தி இருப்பது விநியோகஸ்தர்கள் மத்தியில் கலக்கத்தை ஏற்படுத்தி இருக்கிறது. மேலும் சூர்யா – கார்த்தி இருவரின் படங்கள் ஒரே நாளில் வெளிவருவது இதுவே முதன் முறையாகும்.