சுந்தர் சி இயக்கத்தில் ஆர்யா, ராசி கண்ணா நடிப்பில் வெளிவந்துள்ள அரண்மனை படத்தின் மூன்றாம் பாகம் டிரைலர் ரசிகர் மத்தியில் அதிக வரவேற்பு பெற்று வருகிறது. ஏற்கனவே  இரண்டு பாகங்களில் கிடைத்த வெற்றியை வைத்து தற்போது சுந்தர் சி இந்த படத்தையும் வெளியிட்டு உள்ளார்.  சார்பட்டா பரம்பரை படத்தின் வெற்றிக்குப் பின் ஆர்யாவின் படங்களில் ரசிகர்கள் மத்தியில் பெரும் எதிர்பார்ப்பு கிளம்பி உள்ளது குறிப்பிடத்தக்கது.

மகாமுனி திரைப் படத்திற்கு பிறகு ஆர்யா நடிக்கும் சுமாரான படங்கள் கூட சூப்பர் ஹிட் அடித்து வரும் நிலையில் அடுத்ததாக மிகப் பெரிய எதிர்பார்ப்பை ஏற்படுத்தியிருக்கும் படம் சார்பட்டா பரம்பரை.

பா ரஞ்சித் மற்றும் ஆர்யா கூட்டணியில் பாக்சிங் விளையாட்டை மையமாக வைத்து உருவாகி இருக்கும் இந்த படத்தின் புகைப்படங்கள் மற்றும் வீடியோக்கள் வெளியானபோதே படத்தின் மீதான எதிர்பார்ப்பு எக்கச்சக்கமாக இருந்தது.

தியேட்டரில் வெளியானால் கண்டிப்பாக ஆர்யாவின் மார்க்கெட் பல மடங்கு உயரும் என எதிர்பார்த்திருந்த நேரத்தில் சில தவிர்க்க முடியாத சூழ்நிலைகளால் தியேட்டர்கள் திறக்க முடியாத நிலை ஏற்பட்டுள்ளது.

இதன் காரணமாக தற்போது இந்த படத்தை அமேசான் நிறுவனம் பெரும் விலை கொடுத்து வாங்கி விட்டது. இந்நிலையில் ரிலீஸ் தேதியுடன் குறித்த போஸ்டர் ஒன்றை வெளியிட்டுள்ளது அமேசான் நிறுவனம்.

வருகின்ற ஜூலை 22-ஆம் தேதி அமேசான் தளத்தில் நேரடியாக வெளியாக உள்ளது சார்பட்டா பரம்பரை படம். இந்த படம் தமிழில் மட்டுமல்லாமல் தெலுங்கிலும் வெளியாக உள்ளது குறிப்பிடத்தக்கது. மேலும் இது பா ரஞ்சித் இன் கனவு படம் என்பதும் குறிப்பிட வேண்டிய ஒன்று.

சார்பட்டா படத்தின் டிரைலரை சூர்யா தன்னுடைய ட்விட்டர் பக்கத்தில் அதிகாரப்பூர்வமாக வெளியிட்டார்.