ரஜினி-168 படத்தில் களமிறங்கும் பிரபல காமெடியன்.. பழைய காமெடி பண்ணாம இருந்தா சரி

சூப்பர் ஸ்டார் ரஜினிகாந்த் நடிப்பில் உருவாகியிருக்கும் தர்பார் திரைப்படம் வருகிற பொங்கலுக்கு வெளியாக இருக்கிறது. இந்த படத்தை ஏ.ஆர். முருகதாஸ் இயக்கி இருக்கிறார். இதனைத் தொடர்ந்து இயக்குனர் சிறுத்தை சிவா இயக்கத்தில் தற்காலிகமாக தலைவர்-168 என பெயரிடப்பட்டு நடிக்க இருக்கிறார்.

மற்ற நடிகர்கள் மற்றும் நடிகைகள் பற்றிய விவரங்கள் விரைவில் அறிவிக்கப்படும் என தயாரிப்பு நிறுவனமான சன் பிக்சர்ஸ் நிறுவனம் அறிவித்திருந்தது. தற்போது இந்த படத்தில் காமெடியனாக முதன்முறையாக ரஜினியுடன் சூரி இணைய இருக்கிறார். இதனால் அவர் மகிழ்ச்சியில் துள்ளிக் குதித்துக் கொண்டிருக்கிறார்.

சமீபகாலமாக சூரியின் நகைச்சுவைக் காட்சிகள் அந்த அளவு ரசிகர்களிடம் வரவேற்பு பெறவில்லை என்பது உண்மையாகும். ரைமிங் என்ற பெயரில் மரண மொக்கை போட்டு வருகிறார் என சமூக வலைதளங்களில் நெட்டிசன்கள் அவரை வாரி வறுத்து எடுத்தனர்.

அதன்பிறகு பாண்டிராஜ் இயக்கத்தில் வெளிவந்த கடைக்குட்டி சிங்கம் படத்தின் மூலம் மீண்டும் ஓரளவு ரசிகர்கள் மனதில் இடம் பிடிக்குமாரு நகைச்சுவை செய்தார். நம்ம வீட்டு பிள்ளை திரைப்படம் இவருடைய காமெடி காட்சிகள் ரசிக்கும் படியாக அமைந்தன.

இதனால் தலைவர்-168 படத்திலும் நகைச்சுவை காட்சிகளை சிறப்பாக பண்ணுவார் என ரஜினி ரசிகர்கள் நம்புகின்றனர்.