மும்பை : ஐபிஎல் 10வது சீசன் டி20 போட்டியில் மும்பை அணிக்கு எதிரான இரண்டு போட்டியிலும் புனே அணி அபாரமாக வெற்றி பெற்றுள்ளது.

10வது சீசன் ஐபிஎல் டி20 கிரிக்கெட் தொடர் இந்தியாவில் நடைப்பெற்று வருகின்றது. இதன் 28 போட்டியில் மும்பை இந்தியன்ஸ் அணிக்கும், ரைசிங் புனே சூப்பர் ஜெயிண்ட் அணிக்கும் இடையே மும்பை வான்கடே மைதானத்தில் நடைப்பெற்று வருகிறது. இதில் டாஸ் வென்ற மும்பை அணி கேப்டன் ரோகித் சர்மா முதலில் பவுலிங் செய்ய தீர்மானித்தார்.

முதலில் பேட்டிங் செய்த புனே அணிக்கு ரஹானே 38, திரிபாதி 45, மனோஜ் திவாரி 22 ரன்கள் எடுக்க 20 ஓவர் முடிவில் 160 ரன்கள் எடுத்தது.

அதிகம் படித்தவை:  ’குரைக்கிற நாய் கடிக்காது’ பாக்., பயிற்சியாளர் மிக்கி ஆர்த்தர் திமிர் பேச்சு!

தடுமாறிய மும்பை:
சேஸ் செய்வதில் வல்லவர்களான மும்பை அணி, எளிதாக 160 ரன்கள் எட்டும் என எதிர்பார்க்கப்பட்டது. ஆனால் மும்பைக்கு பார்தீவ் படேல் 33 ரன்கள் எடுத்து சிறப்பான தொடக்கம் கொடுத்தார். ஆனால் மற்றொரு புறத்தில் பட்லர் 17 ரன்களில் வெளியேறினார்.

அதன் பின் களமிறங்கிய அதிரடி வீரன் ரானா 9 பந்தில் வெறும் 3 ரன்கள் எடுத்து அவுட்டானார். பின்னர் வந்த கரண் சர்மா 11, பொலார்டு 9, ஹர்தீக் பாண்டியா 13, மெக்லேனகன் 0 எடுத்து ஏமாற்றமளித்தனர்.

மும்பைக்கு வெற்றியை பெற்றுகொடுக்க கடைசி வரை போராடிய கேப்டன் ரோகித் சர்மா 39 பந்தில் 3 சிக்ஸ், 6 பவுண்டரி அடித்து 58 ரன்கள் குவித்தார். இருப்பினும் இவரின் முயற்சி பலனைத்தரவில்லை.
மும்பை அணி கடைசி ஓவரில் 16 ரன்கள் மட்டும் தேவை என்ற நிலையில் அடுத்தடுத்து ரோகித் சர்மா, மெக்லேனகன் அவுட்டாக, 13 ரன்கள் எடுக்கப்பட்டது. இதையடுத்து 20 ஓவரில் 157 ரன்கள் எடுத்து 3 ரன்கள் வித்தியாசத்தில் வெற்றியை பறிகொடுத்தது மும்பை அணி.

அதிகம் படித்தவை:  "என்னை ஏலத்தில் எடுத்து ஐபில்- ஐ காப்பாற்றி விட்டார் சேவாக்" - கிறிஸ் கெயில் அதிரடி பேச்சு !

இரண்டாவது தோல்வி :
ஐபிஎல் 10வது சீசனில் மும்பை அணிக்கு எதிராக விளையாடிய முதல் போட்டியில் புனே 7 விக்கெட் வித்தியாசத்தில் வெற்றி பெற்றது.
இன்று நடந்த போட்டியில் 3 ரன்கள் வித்தியாசத்தி வெற்றி பெற்று மும்பை அணிக்கு இரட்டை அடி கொடுத்துள்ளது புனே அணி.