நடிகை ஸ்ரீதிவ்யா கடந்த 2010ம் ஆண்டில் ’மனசார’ என்ற தெலுங்கு படம் மூலம் கதாநாயகியாக அறிமுகமானார். ஆனால் இந்தப் படம் பெரும் தோல்வியைத் தழுவியது.

அதனால் 2 ஆண்டுகள் பட வாய்ப்புகள் இல்லாமல் இருந்தார். அதன் பிறகு 2013ம் ஆண்டில் இயக்குநர் பொன்ராம் இயக்கிய வருத்தப்படாத வாலிபர் சங்கம் படத்தில் சிவகார்த்திகேயனுக்கு ஜோடியாக ஸ்ரீதிவ்யா தமிழ் சினிமாவில் அறிமுகமானர்.

ஸ்ரீதிவ்யா தமிழ் சினிமாவின் அனைத்து முன்னணி நடிகர்களுடன் நடித்துவிட்டார். இவர் தமிழில் ஜீவா, வெள்ளைக்கார துரை, காக்கிசட்டை, ஈட்டி, காஸ்மோரா,மருது,பெங்களூர் நாட்கள், மாவீரன் கிட்டு, சங்கிலிபுங்கிலி கதவ தொற, உள்ளிட்ட பல படங்களில் நடித்துள்ளார்.

தற்போது இவரது கையில் வேறு எந்த படமும் கைவசம் இல்லை. இதனால் இவரது பெற்றோர்கள் இவருக்கு திருமணம் செய்து வைக்க முடிவு செய்துள்ளனர். ஏற்கனவே ஸ்ரீ திவ்யா பிரபல டாக்டர் ஒருவரை காதலித்து வருவதாகவும் தகவல் பரவியது. பெற்றோர்கள் திருமண ஏற்பாடு செய்து வருவதால் விரைவில் தனது ஆசை நாயகனை ஸ்ரீதிவ்யா மணக்க உள்ளதாக தகவல் வெளியாகியுள்ளது..