Connect with us

Cinemapettai

அடுத்த சுற்றுக்கு முன்னேறிய ஐதராபாத் : அடிவாங்கி வெளியேறிய குஜராத்!

Cinema News | சினிமா செய்திகள்

அடுத்த சுற்றுக்கு முன்னேறிய ஐதராபாத் : அடிவாங்கி வெளியேறிய குஜராத்!

கான்பூர்: குஜராத் அணிக்கு எதிரான ஐபிஎல் தொடரின் லீக் போட்டியில், சூப்பராக துவங்கிய ஐதராபாத் அணி, 8 விக்கெட் வித்தியாசத்தில் வெற்றி பெற்றது.

இந்தியாவில் 10வது ஐபிஎல் கிரிக்கெட் தொடர் நடக்கிறது. இதில் டெல்லியில் நடந்த 53வது லீக் போட்டியில், குஜராத், ஐதராபாத் அணிகள் மோதுதின. இதில் ’டாஸ்’ வென்ற ஐதராபாத் அணி கேப்டன் டேவிட் வார்னர், முதலில் ‘பீல்டிங்’ தேர்வு செய்தார்.
ஐதராபாத் அணியில் காயம் காரணமாக யுவராஜ் சிங்கிற்கு பதிலாக திபக் கூடா சேர்க்கப்பட்டார். இதே போல, குஜராத் அணியில், பசில் தாம்பிக்கு பதிலாக, பிரவீண் குமார், முனாப் படேல் இடம் பிடித்தனர்.

சூப்பர் துவக்கம்:
இதையடுத்து களமிறங்கிய குஜராத் அணிக்கு, டுவைன் ஸ்மித், இஷான் கிஷான் ஜோடி சூப்பர் துவக்கம் அளித்தது. ஐதராபாத் பந்துவீச்சை சர்வசாதரணமாக சமாளித்த இந்த ஜோடி முதல் விக்கெட்டுக்கு 111 ரன்கள் சேர்த்த போது, ஸ்மித் (54) அரைசதம் அடித்து அவுட்டானார்.

ரெய்னா ஏமாற்றம்:
பின் வந்த கேப்டன் ரெய்னா (2) வந்த வேகத்திலேயே வெளியேறினார். இஷான் கிஷான், 61 ரன்கள் எடுத்த நிலையில் சிராஜ் வேகத்தில் சிக்கினார். அடுத்து வந்த தினேஷ் கார்த்திக் (0), பின்ச் (2), பால்க்னர் (8) சங்வான் (0), சோனி (0) என சொல்லி வைத்தது போல சீட்டுக்கட்டாக சரிந்தனர்.

ஜடேஜா ஆறுதல்:
ஒருமுனையில் விக்கெட் சரிந்தாலும், மறுமுனையில் கடைசி வரை ரவிந்திர ஜடேஜா போராட, குஜராத் அணி, 19.2 ஓவரில் 154 ரன்களுக்கு 154 ரன்களுக்கு ஆல் அவுட்டானது.

வார்னர் விளாசல்:
எட்டக்கூடிய இலக்கை துரத்திய ஐதராபாத் அணிக்கு, துவக்க வீரர் தவான் (18) ஏமாற்றினார். அடுத்து வந்த ஹென்ரிக்ஸ் (4) சொதப்பலாக வெளியேற, பின் வந்த சங்கர், கேப்டன் வார்னருக்கு தோள் கொடுத்தார்.

இருவரும் குஜராத் பந்துவீச்சை பதம் பார்க்க, ஐதராபாத் அணி வேகமாக வெற்றியை நோக்கி முன்னேறினர். பவுண்டரிகளாக வெளுத்து வாங்கிய இருவரும் அரைசதம் கடந்தனர். இதையடுத்து 18.1 ஓவரில், ஐதராபாத் அணி 2 விக்கெட்டுக்கு 158 ரன்கள் எடுத்து பிளே ஆப் சுற்றுக்கு முன்னேறியது.

குஜராத்துக்கு ‘பை-பை’
இரண்டு ஆண்டுகள் ஒப்பந்தமிட்டு களமிறங்கிய குஜராத் அணி, இந்த ஆண்டு உடன் விடை பெற்றது. கடந்த ஆண்டில் ஆறுதலாக வென்ற குஜராத் அணி, இந்த ஆண்டு தோல்வி முகத்தையே சந்தித்தது.

வார்னர் ‘600’:
குஜராத் அணிக்கு எதிராக ,ஐதராபாத் அணி கேப்டன் வார்னர் 65 ரன்கள் எடுத்த போது, இந்த ஆண்டுக்கான ஐபிஎல் கிரிக்கெட் தொடரில் 600 ரன்கள் என்ற மைல்கல்லை எட்டினார்.

Continue Reading
Click to comment

Leave a Reply

Your email address will not be published. Required fields are marked *

அதிகம் படித்தவை

To Top