இயற்கை படம் இயக்கிய SP ஜனநாதன் இயக்கத்தில் நடிக்க இருந்த சூப்பர் ஸ்டார் படம் டிராப்.. படம் பேரே டபுள் மாஸா இருக்கே!

தமிழ் சினிமாவில் வித்தியாச வித்தியாசமான கதைகளை கொடுத்து ரசிகர்களிடம் தனக்கு என ஒரு நற்பெயரை சம்பாதித்து வைத்திருக்கும் இயக்குனர் தான் எஸ்பி ஜனநாதன்.

இயற்கை என்ற முதல் படத்திலேயே தேசிய விருது பெற்ற கலைஞன். தேசிய விருதோடு மட்டுமில்லாமல் வசூல் ரீதியாகவும் அந்த படம் பெரிய வெற்றியைப் பெற்றது.

அதனைத் தொடர்ந்து ஜீவா நடித்த ஈ, ஜெயம் ரவி நடித்த பேராண்மை, விஜய் சேதுபதி நடித்த புறம்போக்கு என்கிற பொதுவுடமை போன்ற படங்களின் மூலம் ரசிகர்களின் வரவேற்பை பெற்றார்.

இயற்கை படத்தின் மாபெரும் வெற்றிக்கு பிறகு சூப்பர் ஸ்டார் ரஜினிகாந்த் படத்தை இயக்கும் வாய்ப்பு எஸ் பி ஜனநாதனுக்கு கிடைத்துள்ளது. உடனடியாக அவருக்கு சூப்பரான மாஸ் கதை ஒன்றை ரெடி செய்தாராம்.

அந்த படத்திற்கு பக்கிரி என பெயரிட்டுள்ளார். ஆனால் சந்தர்ப்ப சூழ்நிலையால் அந்த படத்தை கதையுடன் டிராப் செய்ய வேண்டிய நிலைமை ஏற்பட்டுவிட்டது.

இந்த தகவலை தனது டூரிங் டாக்கீஸ் சமீபத்திய பேட்டியில் எஸ்பி ஜனநாதன் தெரிவித்துள்ளார் என்பதும் குறிப்பிடத்தக்கது.

மீண்டும் விஜய் சேதுபதியை வைத்து தற்போது லாபம் எனும் படத்தை இயக்கி வருகிறார். விஜய் சேதுபதிக்கு ஜோடியாக முதல் முறையாக ஸ்ருதி ஹாசன் நடிக்கிறார் என்பதும் குறிப்பிடத்தக்கது.