fbpx
Connect with us
Cinemapettai

Cinemapettai

சமூக வலைத்தள தடை எதிரொலி: காஷ்மீர் சிறுவனின் புதிய கண்டுபிடிப்பு

Tamil Cinema News | சினிமா செய்திகள்

சமூக வலைத்தள தடை எதிரொலி: காஷ்மீர் சிறுவனின் புதிய கண்டுபிடிப்பு

ஸ்ரீநகர்: காஷ்மீரில் சமூக வலைத்தளங்களுக்கு விதிக்கப்பட்ட தடை அமல்படுத்தப்பட்ட ஒரே வாரத்தில், 16 வயது சிறுவன் மக்களை இணைக்க பிரத்யேகமாக ‘காஷ்புக்’ மொபைல் அப்ளிகேஷனை வடிவமைத்துள்ளார்.

சமீபத்தில் 10ஆம் வகுப்பு முடித்த 16 வயது சிறுவன் சேயான் ஷாஃபிக், தனது நண்பர் உஸைர் ஜான்(19) என்பவருடன் இணைந்து கடந்த 2013ஆம் ஆண்டு ‘காஷ்புக்’ எனும் இணையதளத்தை வடிவமைத்தார். தற்போது, காஷ்மீரில் சமூக வலைத்தளங்களுக்கு தடை விதிக்கப்பட்டுள்ள நிலையில், சேயான் ஷாஃபிக் ‘காஷ்புக்’ மொபைல் அப்ளிகேஷனாக கடந்த மே 2ஆம் தேதி வெளியிட்டார்.

காஷ்புக் எனும் பெயரிலேயே காஷ்மீரின் வாசனை இருப்பதனால், வெளியான ஒரே வாரத்தில் சுமார் 1000 பேரை இந்த இணையதளம் ஈர்த்துள்ளதாக கூறப்படுகிறது. காஷ்மீரி மொழியிலேயே பயனர்கள் உரையாடிக் கொள்ளும்படியாக வடிவமைக்கப்பட்டிருப்பது காஷ்புக்கின் சிறப்பம்சமாகும்.

சேயான் தனது 11 வயதில் ஹெச்டிஎம்எல்(HTML) கோடிங்கை பயின்று, பின் தாமாகவே சி++, ஜாவா போன்ற கணினி மொழிகளை கற்றுத் தேர்ந்துள்ளார். இந்நிலையில், சமூக வலைத்தளங்களை முடக்கிய அரசு விபிஎன் சேவைகளையும் தடுத்து நிறுத்தியது அம்மாநில இணைய பயனர்களுக்கு பெரும் சிரமத்தை ஏற்படுத்தியுள்ளது. சமூக வலைத்தளங்கள் முற்றிலுமாக முடக்கப்பட்டால், காஷ்மீர் மக்களை எப்படி இணைப்பது? என்பதை கருதியே சமூக வலைத்தள பயனர்களின் வசதிக்காக ‘காஷ்புக்’ வடிவமைக்கப்பட்டது. இது அவர்களுக்கு மிகவும் பயனுள்ளதாக இருக்கும் என சேயான் தெரிவித்துள்ளார்.

இந்த இணையத்தளத்தின் மூலம், காஷ்மீரில் உருவாக்கப்பட்ட பொருட்களை விளம்பரப்படுத்த திட்டமிட்டிருப்பதாகவும் சேயான் கூறியுள்ளார். இந்த தடையை ஒரு வாய்ப்பாக கருதி, காஷ்மீர் மற்றும் காஷ்மீரி மக்களின் நலனுக்காக புதிய கண்டுபிடிப்புகளை உருவாக்குங்கள் என சேயான் இளைஞர்களை வலியுறுத்தியுள்ளார்.

காஷ்மீரில் ஃபேஸ்புக், டுவிட்டர், வாட்ஸ் அப், கியூகியூ, விசாட், ஓஸோன் டம்பளர், கூகுள்+, பைடு, ஸ்கைப், வைபர், லைன், ஸ்நாப்சாட், பின்டிரஸ்ட் உள்ளிட்ட சமூக வலைத்தள சேவையை ஒருமாத காலத்திற்கு தடை செய்வதாக காஷ்மீர் அரசு கடந்த ஏப்ரல் 26ஆம் தேதி ஆணை பிறப்பித்தது.

சென்சார் செய்யாத செய்திகள், வீடியோக்கள் பார்க்க சினிமாபேட்டை Youtube-ல் Subscribe பண்ணுங்க.

Continue Reading
Click to comment

Leave a Reply

Your email address will not be published.

To Top