தமிழ் சினிமாவில் குழந்தை நட்சத்திரமாக அறிமுகமாகி தற்போது உச்ச நட்சத்திரமாக திகழும் நடிகர் தான் சிம்பு. இவரது நடிப்பில் வெங்கட்பிரபு இயக்கிய மாநாடு திரைப்படம் வெளியீட்டிற்காக காத்துக் கொண்டிருக்கிறது.
முன்னதாக இப்படத்தின் முதல் பாடல் வெளியாகி ரசிகர்களிடையே பெரிய வரவேற்பை பெற்றது. தற்போது ரசிகர்கள் அனைவரும் இப்படத்தின் வெளியிட்டிற்காக காத்து கொண்டு இருக்கின்றனர். இவர் கைவசம் பத்து தல, மஹா, நதிகளிலே நீராடும் சூரியன் போன்ற படங்கள் உள்ளன.
தொடர்ந்து படங்களில் ஒப்பந்தமாகி சிம்பு நடித்து கொண்டிருந்தாலும் அவ்வபோது இன்ஸ்டாகிராமில் வீடியோ வெளியிடுவதை வழக்கமாக கொண்டிருக்கிறார். அந்த வகையில், தற்போது புதிய வீடியோ ஒன்றை வெளியிட்டுள்ளார்.
பன்னீர் மஷ்ரூம் சமைக்கும் அந்த வீடியோவுக்கு ‘சிக்கன் to பன்னீர்’ என தலைப்பிட்டுள்ளார். தன் முகம் தற்போதுதான் நன்றாக இருப்பதாகவும், ரொம்ப நாள் வைத்திருந்த தாடியை எடுத்துவிட்டதாகவும் அந்த வீடியோவில் கூறியுள்ளார்.
கடந்த வருடம் இதேபோல் சமையல் செய்யும் வீடியோவை சிம்பு வெளியிட்டிருந்தது குறிப்பிடத்தக்கது. மேலும், அந்த வீடியோவில் நான் திருமணம் செய்து கொண்டால், என் மனைவிக்கு நானே சமைத்து கொடுப்பேன் என சிம்பு குறிப்பிட்டிருந்தார்.
இந்த வீடியோ பலராலும் பகிரப்பட்டது. தற்போது கிளீன் ஷேவ் செய்து புது லுக்கில் மீண்டும் ஒரு சமையல் வீடியோவை வெளியிட்டு உள்ளார். நீண்ட நாட்களுக்குப் பிறகு தாடி இல்லாமல் இருக்கும் சிம்புவின் நியூ லுக்கை ரசிகர்கள் ரசித்து கொண்டாடி வருகின்றனர்.