Sivakarthikeyan_cinemapettai

பொன்ராம் இயக்கும் ஒரு படத்தில் சிவகார்த்திகேயனுக்கு ஜோடியாக நடிகை சமந்தா நடிக்கவுள்ளார்.

நடிகை சமந்தா, நடிகர் நாக சைதன்யாவை திருமணம் செய்து கொண்டு விரைவில் குடும்ப வாழ்க்கையில் செட்டிலாக இருக்கிறார் அதற்கு முன்னதாக பொன்ராம் இயக்கும் படத்தில் சிவகார்த்திகேயனுக்கு ஜோடியாக நடிகை சமந்தா நடிக்கவுள்ளார். அனேகமாக, திட்டமிட்டபடி சமந்தாவின் திருமணம் நடந்தால், அவர் நடிக்கும் கடைசி தமிழ்ப்படம் இதுவாகத்தான் இருக்கும். இந்தப் படம் முழுக்க முழுக்க கிராமப்பின்னணியில் படமாக்க இருக்கிறார் பொன்ராம்.

இந்தப் படத்தில் வீரமான பெண்ணாக நடிக்கும் சமந்தா அந்த கதாபாத்திரத்திற்காக சிலம்பம் கற்றுக் கொண்டுள்ளார். உடற்பயிற்சிக் கூடத்தில் சமந்தா சிலம்பம் சுற்றுவது போன்ற வீடியோ சில நாட்களுக்கு முன்பு வெளியானது.சமந்தா வெளியிட்ட இந்த வீடியோ சமூகவலைத்தளங்களில் வைரலாக பரவியது. ஆனால் எதற்காக சிலம்பம் கற்றுக்கொண்டார் என்பதை அவர் தெரிவிக்கவில்லை. இந்நிலையில் பொன்.ராம் – சிவகார்த்திகேயன் இணையும் படத்துக்காகத்தான் சமந்தா சிலம்பம் கற்றுக் கொண்டுள்ளார் என்ற தகவல் தற்போது வெளியாகி இருக்கிறது. படத்தில் நடிப்பதற்காக மட்டுமல்ல, சிலம்பம் கற்றுக்கொள்வதற்காகவும் சேர்த்து சமந்தாவுக்கு பெரிய தொகை சம்பளமாக கொடுக்கப்பட்டிருக்கிறது.