கன்னடம் மற்றும் தெலுங்கு சினிமாவில் முன்னணி நடிகையாக வலம் வந்தாலும் தமிழ் ரசிகர்களிடையே மிகவும் பரிச்சயமான நடிகையாக இருப்பவர் ரஷ்மிகா மந்தனா. இவருடைய சின்ன சின்ன சேட்டைகள் ரசிகர்களை மிகவும் கவர்ந்து விட்டது.
அதுமட்டுமில்லாமல் சமீபகாலமாக ராஷ்மிகா மந்தனா நடிக்கும் தெலுங்கு படங்கள் தொடர்ந்து பிளாக்பஸ்டர் வெற்றிகள் பெற்று வருகின்றன. தெலுங்கில் முன்னணி நடிகையான பிறகு அடுத்த கட்டமாக தமிழிலும் பட வாய்ப்புகளை தேடிக் கொண்டிருக்கிறார்.
நடித்தால் முன்னணி நடிகர்களுடன் தான் என தீர்க்கமாக இருக்கிறாராம் ரஷ்மிகா மந்தனா. அந்த வகையில் தமிழில் ரஷ்மிகா மந்தனா நடிப்பில் முதன்முதலாக வெளியாக உள்ள திரைப்படம் கார்த்தி நடிப்பில் உருவாகியுள்ள சுல்தான் தான்.
அதனைத் தொடர்ந்து விஜய் நடிக்கும் தளபதி 65 படத்தில் நடிப்பதற்கான வாய்ப்புகள் அதிக அளவில் காணப்படுகிறது. தளபதி 65 படத்திற்காக தெலுங்கு சினிமாவின் முன்னணி நடிகர் பட வாய்ப்பு ஒன்றை தவிர்த்து விட்டதாகவும் செய்திகள் கிடைத்துள்ளன.
முன்னதாக பூஜா ஹெக்டே பேசப்பட்டு வந்த நிலையில் தற்போது ரஷ்மிகா மந்தனா தவிர்த்த தெலுங்கு பட வாய்ப்பை பூஜா பெற்று விட்டாராம். இதன் மூலமாக தமிழ் சினிமாவில் விஜய்யுடன் என்ட்ரி கொடுப்பது ஏறக்குறைய முடிவாகியுள்ளதாம்.
இதற்கிடையில் சமீபத்தில் ஒரு விழாவுக்கு சென்ற ரஷ்மிகா மந்தனா தாறுமாறான கிளாமர் உடை அணிந்து கொண்டு சென்றுள்ளார். அப்போது ரசிகர் ஒருவருடன் எடுத்துக்கொண்ட புகைப்படம் இணையத்தில் காட்டுத் தீ போல் பரவ ஆரம்பித்துவிட்டது.
