fbpx
Connect with us

மே முதல் துவங்கும் ‘கபாலி’ கூட்டணி

rajanikanth

மே முதல் துவங்கும் ‘கபாலி’ கூட்டணி

சென்னை: ‘கபாலி’ வெற்றியைத் தொடர்ந்து இரண்டாவது முறையாக இயக்குனர் பா.ரஞ்சித்துடன் சூப்பர்ஸ்டார் ரஜினிகாந்த் இணைந்து நடிக்கவிருக்கும் திரைப்படம் குறித்த சுவாரஸ்ய தகவல் வெளியாகியுள்ளது.

தனுஷின் வுண்டர்பார்ஸ் நிறுவனத்தின் தயாரிப்பில் உருவாகவிருக்கும் இப்படத்தின் படப்பிடிப்பு பணிகள் வருகிற மே மாதம் முதல் துவங்கும் என தகவல்கள் வெளியாகியுள்ளன. இயக்குனர் ஷங்கரின் பிரம்மாண்ட படைப்பான ‘2.0’ திரைப்படத்தின் இறுதிக்கட்டப் பணிகளை ரஜினிகாந்த முடித்தப் பிறகு புதுப்படத்திற்கான பணிகள் துவங்கப்படும் என படக்குழு தரப்பில் கூறப்பட்டுள்ளது.

இத்திரைப்படத்தின் ஆரம்பக் கட்டப் பணிகளில் தீவிரமாக களமிறங்கியுள்ள இயக்குனர் பா.ரஞ்சித், படப்பிடிப்பு தளங்களை தேர்வு செய்து வருகிறார். சேரி பகுதியின் பின்னணியில் உருவாகவிருக்கும் இப்படத்தின் பெரும்பாலான காட்சிகளை மும்பையில் படமாக்க படக்குழுவினர் திட்டமிட்டுள்ளனர்.

சூப்பர்ஸ்டார் ரஜினிகாந்திற்கு ஜோடியாக பாலிவுட் பிரபல நடிகை வித்யாபாலன் நடிக்க அதிக வாய்ப்பிருப்பதாக கூறப்படுகிறது. கபாலியில் பணியாற்றிய அதே தொழில்நுட்ப குழு இந்த படத்திலும் பணியாற்றவுள்ளனர்.

இயக்குனர் பா.ரஞ்சித்தின் ஆஸ்தான இசையமைப்பாளரான சந்தோஷ் நாராயணனுக்கு பதில் தனுஷுடன் நெருக்கம் காட்டி வரும் ஷேன் ரோல்டன் ஒப்பந்தமாகவிருப்பதாக கூறப்படுகிறது. எனினும்,இப்படம் குறித்த அதிகாரப்பூர்வ அறிவிப்புகள் விரைவில் வெளியாகும் என்று எதிர்ப்பார்க்கப்படுகிறது.

Click to comment

Leave a Reply

Your email address will not be published. Required fields are marked *

More in

Advertisement

Trending

To Top