மாஸ் ஹீரோக்களால் முடியாததை விஜய் சேதுபதியால் மட்டுமே செய்ய முடியும்: கே.வி. ஆனந்த்

கே.வி. ஆனந்த் இயக்கத்தில் விஜய் சேதுபதி, மடோனா செபாஸ்டியன், டி. ராஜேந்தர் உள்ளிட்டோர் நடித்துள்ள படம் கவண். கே. வி. ஆனந்த் படங்கள் என்றாலே தலைப்பு வித்தியாசமாக இருக்கும்.

அயன், மாற்றான், கோ, அனேகன், கவண் என்று தலைப்பிலேயே வித்தியாசத்தை காட்டி வருகிறார்.

கார்பரேட் மோசடி குறித்த படமே கவண். இந்த படம் நிச்சயம் ரசிகர்களை கவரும். மாஸ் ஹீரோக்களால் செய்ய முடியாததை விஜய் சேதுபதியால் மட்டுமே செய்ய முடியும் என்கிறார் ஆனந்த்.

என் பட ஹீரோ தன்னை பலர் அடித்தாலும் திருப்பி அடிக்காமல் இருப்பார். அத்தகைய கதாபாத்திரத்தில் விஜய் சேதுபதியால் மட்டுமே நடிக்க முடியும் என்று அவரை ஒப்பந்தம் செய்தேன் என ஆனந்த் தெரிவித்துள்ளார்.

கவண் படத்தில் டி. ராஜேந்தர் முக்கியமான கதாபாத்திரத்தில் நடித்துள்ளார். அவரை போன்று சின்சியரான கலைஞரை நான் பார்த்ததே இல்லை. ஒரு காட்சியில் அவருடன் நடித்த சக நடிகர் ஒருவர் 15 டேக்குள் வாங்கியபோதும் கோபப்படாமல் 15 முறை வசனம் பேசி நடித்தார் என ஆனந்த் கூறியுள்ளார்.

காதலும் கடந்த போகும் படம் பார்த்தேன். அதில் விஜய் சேதுபதி, மடோனா செபாஸ்டியனின் கெமிஸ்ட்ரி நன்றாக இருந்தது. கவண் படத்தில் அவர் அருமையாக நடித்துள்ளார் என ஆனந்த் தெரிவித்துள்ளார்.

Comments

comments

More Cinema News: