IRCTC-Rail-Connect-App

வெறும் 50 விநாடியில் தட்கல் ரயில்வே டிக்கெட்டை முன்பதிவு செய்யும் சேவையை ஐ.ஆர்.சி.டி.சி அறிமுகப்படுத்தியுள்ளது.

இந்திய ரயில்வே உணவு மற்றும் சுற்றுலா கழகம் என்று அழைக்கப்படும் ஐ.ஆர்.சி.டி.சி இணையதளத்தில் தட்கல் டிக்கெட் முன்பதிவு செய்ய முடியும். அதேபோல “ரயில் கனெக்ட் ஆப்’ என்ற ஐ.ஆர்.சி.டி.சி. அதிகாரப்பூர்வ ஆப் மூலமும் ரயில்வே டிக்கெட் மற்றும் தட்கல் டிக்கெட்டை முன்பதிவு செய்யும் முறை உள்ளது. இந்த் ஆப்பானது கடந்த ஜனவரி மாதம் அறிமுகப்படுத்தப்பட்டுள்ளது.

இந்த நிலையில் ஸ்மார்ட் போன் கள் மூலம் வெறும் 50 விநாடிகளில் தட்கல் டிக்கெட் முன்பதிவு செய்யும் புதிய வசதி அறிமுகப்படுத்தப்பட்டுள்ளது. ஸ்மார்ட் போன்களில் இந்த ஆப்பை பதிவிறக்கி ‘பேடிம்’ போன்ற இ-வாலட்கள் மூலம் பணம் செலுத்தும் வசதி அறிமுகப்படுத்தப்பட்டுள்ளது. இதன் மூலம் தட்கல் ரயில் டிக்கெட்டுகளை விரைவாக முன்பதிவு செய்ய முடியும். இந்தவசதியானது முதலில், ஏ.சி., பெட்டிக்கு தான் இருந்தது. கடந்த ஏப்., 9ம் தேதி முதல், படுக்கை வசதியுடன் கூடிய பெட்டிகளுக்கும் இந்த வசதி மேம்படுத்தப்பட்டுள்ளது.