ஜெயம் ரவியுடன் சண்டையிட்ட நிவேதா பெத்துராஜ்…வெளியான சுவாரஸியம்

தமிழ் சினிமாவின் முதல் ஸ்பேஸ் படமான டிக் டிக் டிக் குறித்து நடிகை நிவேதா பெத்துராஜ் முதன்முறையாக மனம் திறந்து இருக்கிறார்.

மிருதன் படத்தை தொடர்ந்து, சக்தி சௌந்தராஜன் இயக்கும் படம் டிக் டிக் டிக். இப்படத்தில் ஜெயம் ரவி நாயகனாக நடிக்கிறார். நிவேதா பெத்துராஜ் அவருடன் முதல்முறையாக இணைந்து இருக்கிறார். படத்திற்கு டி.இமான் இசையமைத்துள்ளார். விண்வெளி கதையை மையமாக வைத்து உருவாக்கப்பட்டு இருக்கும் முதல் இந்திய படம் இது தான் என்பதால் படத்திற்கு தற்போதே ரசிகர்கள் மத்தியில் எதிர்பார்ப்பு நிலவுகிறது.

குடியரசு தினத்தை முன்னிட்டு ஜனவரி 26ந் தேதி வெளியாக இருந்த படம் பல காரணங்களால் தள்ளி போனது. தற்போது, தயாரிப்பாளர் தரப்பு வரும் 22ந் தேதி படம் வெளியாகும் என அறிவித்து இருக்கிறது.

இந்நிலையில் நிவேதா பெத்துராஜ் இப்படத்தில் தனது அனுபவம் குறித்து முதல் முறையாக மனம் திறந்துள்ளார். ஹாலிவுட் தரத்துல செட் ரெடி பண்ணியிருந்தாங்க. இதனால், டிக் டிக் டிக் படத்தின் படப்பிடிப்புகள் நடக்கும் போது செம குஷியாக இருந்தேன். நான் கற்றுக்கொண்ட தற்காப்பு கலை இப்படத்தில் தான் பெரிய உதவியாக இருந்தது. படத்தில் என் பெயர் சுவாதி. டிசைன் பேஸ் டிவிஷன் வேலை பார்க்கும் ஆர்மி ஆபீஸரா நடிச்சிருக்கேன். இப்படத்தில் ஜெயம் ரவிக்கும், எனக்கும் ஆக்‌ஷன் காட்சிகள் இருக்கிறது. இது எனக்கு புதிய அனுபவம் என்றே கூறலாம்.

தொடர்ந்து, படத்தில் ஒரு காட்சியில் நடிக்கும் போது, அடிப்பட்டு இருந்தது. அந்த உணர்ச்சியே என்னிடம் இல்லை. தொடர்ந்து, என்னால் படத்தோட ஷூட்டிங் பாதிக்கக் கூடாது என்பதால் அதற்கு பிறகு, ரொம்பக் கவனமா இருந்தேன். இப்படி ஒரு பக்கம் படப்பிடிப்பு நடந்தால், இப்படத்தில் இன்னொரு ஸ்பெஷலாக ஆரவ் ரவி இருந்தார். சின்ன பையன் தான். ஆனால் ரொம்ப பொறுமைசாலி. சமத்துப் பையன். ஒரு காட்சியை கூட அதிக டேக் வாங்காமல் நடித்து விடுவார். இப்படத்தில் எனக்கும், ஆரவிற்கும் அதிக காட்சிகள் இருக்கிறது. அதனால, மனசளவுல ரொம்ப நட்பாகி விட்டோம் என்றார். நான் நிறைய ஹாலிவுட் படங்கள் பார்ப்பேன். அவற்றையெல்லாம் பார்க்கும்போது, நமக்கும் இந்த மாதிரி படங்கள் கிடைக்க வேண்டும் என ஆசையாக இருக்கும். அந்த ஆசையை இந்தப் படம் எனக்கு பூர்த்தி பண்ணி வச்சிருக்கு என மெய் சிலிர்த்து இருக்கிறார்.