முன்னா பாயாக ரன்பிர் கபூர். “சஞ்சு” படத்தின் புதிய ப்ரோமோ!

சஞ்சு

பாலிவுட்டின் முன்னணி இயக்குனர் மற்றும் தயாரிப்பாளரான ராஜ்குமார் ஹிராணி சஞ்சய் தத்தின் வாழ்க்கை வரலாற்றை மையமாக வைத்து எடுத்துள்ள படம் தான் “சஞ்சு”. இயக்குனர் சஞ்சயின் நெருங்கிய நண்பர். மேலும் முன்னா பாய் படங்களால் சஞ்சயின் இமேஜை மாற்றியவர். இப்படத்தில் சஞ்சய் தத் வேடத்தில் ரன்பிர் கபூர் நடித்துள்ளார். அச்சு அசலாக சஞ்சய் தத்தின் பல்வேறு வயது தோற்றத்தை, உடல் மொழியை ரன்பிர் அசத்தலாக செய்துள்ளார். பலரும் பாராட்டி வருகின்றனர்.

இப்படத்தில் சோனம் கபூர், மனிஷா கொய்ராலா, ப்ரேஷ் ராவேல், அனுஷ்கா சர்மா, பொம்மன் இரானி மற்றும் பலர் நடித்துள்ளனர். இந்நிலையில் இப்படத்தின் ப்ரோமோ வீடியோ வெளியானது. சஞ்சய் தத்தின் இமேஜை மாற்றிய படம் முன்னா பாய், அப்படத்தின் காட்சிகள் தான் இந்த ப்ரோமோவில் உள்ளது.