செவ்வாய் கிரகத்தில் பனி படர்ந்த மலைகள் இருக்கும் புகைப்படத்தை நாசா வெளியிட்டுள்ளது. செவ்வாய் கிரகம் தொடர்பான பல்வேறு ஆய்வுகளில் நாசா விண்வெளி நிறுவனம் ஈடுபட்டு வருகிறது.

தற்போது நாசா, உயர் ரெசொல்யூஷன் கொண்ட இமேஜிங் அறிவியல் பரிசோதனை திறன் கொண்ட கமெரா மூலம் செவ்வாயில் பனி படந்த மலைகள் இருக்கும் புகைப்படத்தை படம்பிடித்து வெளியிட்டுள்ளது. இந்த புகைப்படத்தின் மூலம் செவ்வாய் கிரகத்தில் பனி மலைகள் இருப்பது உறுதி செய்யப்பட்டுள்ளது.

நாசா விஞ்ஞானிகள் கூறுகையில், இந்த பனி மலைகள் பூமியில் உள்ள பனி மலைகள் போல அல்லாமல் பனி மற்றும் கார்பன் டை ஆக்சைடு கலந்து உலர்ந்த பனி போல் காட்சியளிக்கிறது என கூறியுள்ளனர்.