Connect with us
boomerang-movie

திருமணமான நான்கு நாட்களில் மனைவியை கொன்ற கணவன்!

திருமணமான நான்கு நாட்களில் மனைவியை கொன்ற கணவன்!

மும்பையை சேர்ந்த இளைஞர் ஒருவர் திருமணமான நான்கு நாட்களில் தனது மனைவியை கொன்ற குற்றத்திற்காக கைது செய்யப்பட்டுள்ளார்.

மும்பையில் எலக்ட்ரீசியனாக பணிபுரிந்து வருபவர் அசிப் சித்திக்கி (25). இவருக்கும் சப்ரீன் (22) என்ற பெண்ணுக்கும் கடந்த ஏப்ரல் 6ஆம் தேதி உத்தரபிரதேசத்தில் திருமணம் நடைபெற்றது. திருமணமான இரண்டு தினங்களுக்கு பிறகு தம்பதி மும்பை, பொரிவிலிக்கு வந்தனர். ஏப்ரல் 10ஆம் தேதி இளம் பெண் ஒருவரின் சடலம் காவல்துறையால் கண்டறியப்பட்டது. மும்பை காவல்துறை பல குழுக்களை அமைத்து தானே, நவி மும்பை, ரய்கட் மற்றும் சிந்துதுர்க் போன்ற பகுதிகளில் பெண் காணாமல் போனதாக புகார் ஏதேனும் கொடுக்கப்பட்டுள்ளாத என தீவிர விசாரணை நடத்தினர். விசாரணையில் மும்பையில் புகார் ஏதும் பதிவாகவில்லை என்றும், உத்தரபிரதேசம் மாவட்டம் பரபங்கி மாவட்டத்தில் புகார் பதிவாகி இருப்பது தெரியவந்தது. அதன் மூலம் அசிப் சித்திக்கியை காவல்துறையினர் நெருங்கினர்.

விசாரணையில் அசிப், தனது மனைவியின் கழுத்தை துப்பட்டா கொண்டு இறுக்கி கொன்றது தெரியவந்தது. அசிப்பை லக்னோவில் கைது செய்ததாக காவல்துறையினர் தெரிவித்துள்ளனர். மனைவியை கொன்ற பின்பு இரண்டு தினங்கள் கழித்து அசிப் மும்பையில் இருந்து உத்தரபிரதேசம் சென்றுள்ளார். விசாரணையில் கட்டாயப்படுத்தி தனக்கு திருமணம் செய்து வைத்துவிட்டதாகவும், அதனால் மனைவியை கொன்றுவிட்டதாக வாக்குமூலம் அளித்துள்ளார். நீதிமன்றத்தில் நிறுத்தப்பட்ட அசிப் தற்போது காவலில் வைக்கப்பட்டுள்ளார்.
Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top