fbpx
Connect with us

கொல்கத்தாவை துரத்தி அடித்த மும்பை: பைனலுக்குள் நுழைந்த குஷியில் ரோகித்

News | செய்திகள்

கொல்கத்தாவை துரத்தி அடித்த மும்பை: பைனலுக்குள் நுழைந்த குஷியில் ரோகித்

கொல்கத்தாவுக்கு எதிரான 2வது தகுதிச்சுற்றுப் போட்டியில் மும்பை அணி 6 விக்கெட் வித்தியாசத்தில் வெற்றி பெற்றுள்ளது.

இந்தியாவில் 10வது ஐபிஎல் கிரிக்கெட் தொடர் நடக்கிறது. இதில் லீக் போட்டிகள் முழுவதுமாக முடிந்த நிலையில் முதல் தகுச்சுற்றில் புனே அணியும், எலிமினேட்டர் சுற்றில் கொல்கத்தா அணியும் வெற்றி பெற்றது. இந்நிலையில் தற்போது 2வது தகுதிச் சுற்றுப்போட்டி பெங்களூருவில் தற்போது நடந்து வருகிறது. இதன் படி முதலில் ஆடிய கொல்கத்தா அணி பும்ரா மற்றும் கரண் சர்மாவின் பந்துவீச்சுக்கு தாக்குப்பிடிக்க முடியாமல் திணறியது.
மோசமான தொடக்கம்:

கொல்கத்தா அணியில் தொடக்க வீரர்கள் லின் (4), நரைன் (10), உத்தப்பா (1), கம்பிர் (12), கிராண்ட்ஹோம் (0) என்று சொற்ப ரன்களில் வெளியேறினர். இவர்களைத் தொடர்ந்து சூர்யகுமார் (31) – ஜாக்கி (28) ஜோடி 6வது விக்கெட்டுக்கு 56 ரன்கள் சேர்த்தது. மற்றவர்கள் ஒற்றை இலக்கத்தில் வெளியேறினர். இறுதியில் கொல்கத்தா அணி 18.5 ஓவர் முடிவில் அனைத்து விக்கெட்டுகளையும் இழந்து வெறும் 107 ரன்கள் மட்டுமே எடுத்தது. மும்பை அணி சார்பில் சுழல் சூறாவளி கரண் சர்மா 4 விக்கெட்டுகளும், பும்ரா 3 விக்கெட்டுகளும், ஜான்சன் 2 விக்கெட்டுகளும் கைப்பற்றினர்.

காப்பாற்றிய ரோகித் சர்மா ஜோடி:

 

பின்னர் எளிய இலக்கை விரட்டிய மும்பை அணியில் ஆரம்பத்தில் தத்தளித்து வந்தது. இதில் தொடக்க வீரர் சிம்மன்ஸ் (3), படேல் (14), ராயுடு (6) என்று சொற்ப ரன்களில் வெளியேறினர். பின்னர் வந்த கேப்டன் ரோகித் சர்மா – குர்னல் பாண்டியா ஜோடிய ஓரளவு ரன் சேர்த்தது. சர்மா 26 ரன்களில் ஆட்டமிழக்க, பாண்டியாவுடன் போலார்டு ஜோடி சேர்ந்தார். இந்த ஜோடி கடைசி வரையில் மெதுவாக ரன் சேர்த்து 14.3வது ஓவரில் 4 விக்கெட் மட்டும் இழந்து 111 ரன்கள் எடுத்து 6 விக்கெட் வித்தியாசத்தில் அணிக்கு வெற்றி பெற்றுத்தந்துள்ளது. குர்னல் பாண்டியா (45) ரன்களுடனும், போலார்டு (9) ரன்களுடனும் ஆட்டமிழக்காமல் இருந்தனர்.

 

கொல்கத்தா அணி சார்பில் பியூஸ் சாவ்லா 2 விக்கெட்டும், உமேஷ் மற்றும் நைல் தலா ஒரு விக்கெட் கைப்பற்றினர்.

Click to comment

Leave a Reply

Your email address will not be published. Required fields are marked *

More in News | செய்திகள்

Advertisement

Trending

To Top