fbpx
Connect with us

Cinemapettai

முடியல…..மும்பையின் வெற்றியை தடுக்க டெல்லியால் : ரபாடா, மோரிஸ் போர் வீண்!

முடியல…..மும்பையின் வெற்றியை தடுக்க டெல்லியால் : ரபாடா, மோரிஸ் போர் வீண்!

மும்பை: டெல்லி அணிக்கு எதிரான ஐபிஎல் தொடரின் லீக் போட்டியில், மும்பை அணி 14 ரன்கள் வித்தியாசத்தில் வெற்றி பெற்றது.

இந்தியாவில் நடக்கும் உள்ளூர் டி-20 கிரிக்கெட் தொடரான ஐபிஎல் தொடர், 10வது ஆண்டாக வெற்றிகரமாக துவங்கி நடந்து வருகிறது. இதில் மும்பையில் நடந்த 25வது லீக் போட்டியில், மும்பை, டெல்லி அணிகள் மோதின.

இதில் முதலில் ‘டாஸ்’ வென்ற டெல்லு அணி கேப்டன் ஜாகிர் கான், முதலில் ‘பீல்டிங்’ தேர்வு செய்தார்.
இதையடுத்து களமிறங்கிய மும்பை அணிக்கு, பார்த்தீவ் படேல் (8), நிதிஷ் ரானா(8), கேப்டன் ரோகித் சர்மா (5), பட்லர் (28) என எல்லா ’டாப்-ஆர்டர்’ வீரர்களும் சொதப்பலாக வெளியேறினர். போலார்டு (26), குர்னால் பாண்டியா (17) நீண்ட நேரம் தாக்குபிடிக்கவில்லை. மும்பை அணி, 20 ஓவர் முடிவில் 8 விக்கெட்டுக்கு 142 ரன்கள் எடுத்தது.

டெல்லி அணி சார்பில் கம்மின்ஸ், மிஸ்ரா ஆகியோர் தலா 2 விக்கெட் சாய்த்தனர்.

மகா மட்டமான துவக்கம்:
எட்டக்கூடிய இலக்கை துரத்திய டெல்லி அணிக்கு, சாம்சன்(9), தாரே (0), கருண் நாயர் (5), ஸ்ரேயாஷ் ஐயர் (6), கோரி ஆண்டர்சன் (0), பண்ட் (0) என ஒருத்தர் கூட ஒற்றை இலக்கை தாண்ட வில்லை. இதையடுத்து டெல்லி அணி, 24 ரன்களுக்கு 6 விக்கெட்டை இழந்து படுபாதாளாத்துக்கு சென்றது.

விட்டுக்கொடுக்காத வீரர்கள்:
இதன்பின் வந்த ரபாடா, மோரிஸ் ஜோடி, நங்கூரமாக நிலைத்து நின்று போராடியது. 7வது விக்கெட்டுக்கு விட்டுக்கொடுக்காமல் விளையாடிய இந்த ஜோடி, 91 ரன்கள் சேர்த்த போது ரபாடா 44 ரன்களில் அவுட்டானார். கடைசி வரை மோரிஸ் மோராடிய போதும் மும்பை பவுலர்கள் சிறப்பாக கட்டுப்படுத்த, டெல்லி அணி, 20 ஓவரில் 7 விக்கெட்டுக்கு 128 ரன்கள் எடுத்து 14 ரன்கள் வித்தியாசத்தில் தோல்வியடைந்தது. மோரிஸ் (52), கம்மின்ஸ் (4) அவுட்டாகாமல் இருந்தனர்.

மும்பை அணி சார்பில் மெக்லீனகன் அதிகபட்சமாக 3 விக்கெட் சாய்த்தார்.

2013
ஐபிஎல் தொடரில் வான்கடே மைதானத்தில் நடந்த போட்டிகளில் 150 ரன்களுக்கு குறைவான இலக்கை, கடைசியாக கடந்த 2013ல் வெற்றிகரமாக தடுக்கப்பட்டது. தவிர, இதுவரை நடந்த ஐபிஎல் போட்டிகளில் 4 முறை மட்டுமே வான்கடே மைதானத்தில் நடந்த போட்டிகளில் 150 ரன்களுக்கு குறைவான இலக்கு வெற்றிகரமாக தடுக்கப்பட்டது. இன்று மும்பை அணி, மீண்டும் வெற்றிகரமாக தடுத்தது.

91
மும்பை அணிக்கு எதிரான ஐபிஎல் தொடரின் லீக் போட்டியில் 7வது விக்கெட்டுக்கு, 91 ரன்கள் சேர்த்த ரபாடா, மோரிஸ் ஜோடி, ஐபிஎல் அரங்கில் டெல்லி அணிக்காக 7வது விக்கெட்டுக்கு ஆதிகரன்கள் சேர்த்த ஜோடி என்ற பெருமை பெற்றது.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top