fbpx
Connect with us

மும்பையை மிரட்டிய ’டேர் டெவில்ஸ்’ டெல்லி!

மும்பையை மிரட்டிய ’டேர் டெவில்ஸ்’ டெல்லி!

மும்பை: டெல்லி அணிக்கு எதிரான ஐபிஎல் தொடரின் லீக் போட்டியில், மும்பை அணி, 20 ஓவரில் 8 விக்கெட்டுக்கு 142 ரன்கள் எடுத்தது.

இந்தியாவில் நடக்கும் உள்ளூர் டி-20 கிரிக்கெட் தொடரான ஐபிஎல் தொடர், 10வது ஆண்டாக வெற்றிகரமாக துவங்கி நடந்து வருகிறது. இதில் மும்பையில் நடக்கும் 25வது லீக் போட்டியில், மும்பை, டெல்லி அணிகள் மோதுகின்றன.

இதில் முதலில் ‘டாஸ்’ வென்ற டெல்லு அணி கேப்டன் ஜாகிர் கான், முதலில் ‘பீல்டிங்’ தேர்வு செய்தார். டெல்லி அணியில் ஜெயந்த் யாதவ், மாத்யூஸ், பில்லிங்ஸ் நீக்கப்பட்டு ரபாடா, ஆதித்யா தாரே சேர்க்கப்பட்டனர். மும்பை அணியில் உடல்நிலை சரியில்லாத காரணத்தினால் மலிங்கா நீக்கப்பட்டார். அவருக்கு பதிலாக மிட்சல் ஜான்சன் சேர்க்கப்பட்டார்.

’டாப்-ஆர்டர்’ சறுக்கல்:
இதையடுத்து களமிறங்கிய மும்பை அணிக்கு, பார்த்தீவ் படேல் (8), நிதிஷ் ரானா(8), கேப்டன் ரோகித் சர்மா (5), பட்லர் (28) என எல்லா ’டாப்-ஆர்டர்’ வீரர்களும் சொதப்பலாக வெளியேறினர்.

தத்தளித்த மும்பை:
பின் வந்த போலார்டு (26), குர்னால் பாண்டியா (17) நீண்ட நேரம் தாக்குபிடிக்கவில்லை. இதையடுத்து மும்பை அணியின் வேகம் குறைந்ததுடன், 120 ரன்களுக்கு 6 விக்கெட்டை இழந்து தத்தளித்தது.
கடைசி நேரத்தில் ஹர்திக் பாண்டியா, அதிரடியாக ரன்கள் சேர்க்க தவற, மும்பை அணி, 20 ஓவர் முடிவில் 8 விக்கெட்டுக்கு 142 ரன்கள் எடுத்தது.

டெல்லி அணி சார்பில் கம்மின்ஸ், மிஸ்ரா ஆகியோர் தலா 2 விக்கெட் சாய்த்தனர்.

சேஷிங் சாதகம்:
மும்பையின் வான்கடே மைதானத்தில் நடந்த ஐபிஎல் போட்டிகளி இதுவரை இரண்டாவதாக பேட்டிங் செய்த அணி 7 போட்டிகளில் வெற்றி பெற்றுள்ளது. முதலில் பேட்டிங் செய்த அணி ஒரு போட்டியில் கூட வெற்றி பெற்றதில்லை.

2011
கடைசியாக மும்பை அணிக்கு எதிராக வான்கடே மைதானத்தில் நடந்த போட்டியில் டெல்லி அணி, 2011ல் நடந்த ஐபிஎல் தொடரின் லீக் போட்டியில் வெற்றி பெற்றது. அதன்பின் சுமார் 6 ஆண்டுகளாக டெல்லி அணி, மும்பை அணியை சொந்த மைதானத்தில் வீழ்த்தியதில்லை.

முற்றுப்புள்ளி:
இந்த ஆண்டு நடக்கும் ஐபிஎல் தொடரில், மும்பை அணி, தொடர்ந்து 5 போட்டிகளில் வெற்றி பெற்றுள்ளது. இன்று டெல்லி வெல்லும்பட்சத்தில், மும்பை அணியின் வெற்றிக்கு முற்றுப்புள்ளி வைக்கலாம்.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top