ATM Invitation_cinemaPettai

கோவில்பட்டியைச் சேர்ந்த இளம் ஜோடி, தங்கள் திருமண அழைப்பிதழை ஏ.டி.எம் அட்டை வடிவில் அச்சிட்டுள்ளனர்.

சமீப காலமாக உறவினர்களுக்கு அளிக்கப்படும் திருமண அழைப்பிதழ்கள் பாரம்பரிய முறைப்படியும், நண்பர்களுக்கு அளிக்கும் திருமண அழைப்பிதழ்களை வித்தியாசமான முறையில் அச்சிடுவதும் வழக்கத்தில் இருந்து வருகிறது. இந்த வகையில் ஏ.டி.எம் கார்டு வடிவில் தங்கள் திருமண அழைப்பிதழை அச்சிட்டு அசத்தியுள்ளனர் கோவில்பட்டியைச் சேர்ந்த அகமது யூசப் மற்றும் அல்ஃபியா சபூர் ஜோடி.

இந்த புது விதமாக அழைப்பிதழில், வங்கி பெயர் இடத்தில் ’நிக்கா’ எனவும், ஏ.டி.எம் அட்டை எண் அச்சிட்டப்பட்டிருக்கும் இடத்தில், திருமணம் நடைபெறும் தேதி, நேரம் ஆகியவை அச்சிடப்பட்டுள்ளன. பார்க்க அசல் ஏ.டி.எம் அட்டை போல இருக்கும் இந்த அழைப்பிதழ், பலரையும் கவர்ந்து வருகிறது.