4562‘மெட்ராஸ்’ இயக்குனர் பா.ரஞ்சித் இயக்கத்தில் சூப்பர் ஸ்டார் ரஜினிகாந்த் நடித்து வரும் ‘கபாலி’ படத்தில் ஒரு சிறுவேடத்தில் நடித்த நடிகை சஞ்சனா மோகன். இவருடைய நடிப்பை ரஜினிகாந்த் பாராட்டியதாகவும் கடந்த சில நாட்களுக்கு முன்னர் தகவல் வெளிவந்தது.

இவர் ஏற்கனவே லட்சுமிராமகிருஷ்ணன் இயக்கிய ‘நெருங்கி வா முத்தமிடாதே’, மற்றும் பாலாஜி சக்திவேல் இயக்கிய ‘ரா ரா ராஜசேகர்’ ஆகிய படங்களில் நடித்துள்ளார்.

இந்நிலையில் சஞ்சனா மோகன், மாதவன் நடித்துள்ள ‘இறுதிச்சுற்று’ படத்திலும் ஒரு முக்கிய வேடத்தில் நடித்துள்ளதாகவும், ‘கபாலி’, இறுதிச்சுற்று ஆகிய இரண்டு படங்களும் தனக்கு நல்ல பெயரை வாங்கி தரும் என்றும் நம்பிக்கை தெரிவித்துள்ளார்.