அடுத்த படம் இவருடன் தான் பா.. ஒருவழியாக வாயைத்திறந்த லோகேஷ் கனகராஜ்

தென்னிந்திய சினிமாவில் மிகவும் கவனம் ஈர்த்த இயக்குனராக மாறியுள்ளார் லோகேஷ் கனகராஜ். தற்போது இவருக்கு தான் செம மார்க்கெட் உள்ளது. கதையுடன் கமர்ஷியல் அம்சங்கள் சேர்த்துக் கொடுப்பதில் கில்லாடியாக உள்ளார்.

மாநகரம், கைதி போன்ற மாபெரும் வெற்றிப் படங்களைத் தொடர்ந்து தளபதி விஜய்யை வைத்து மாஸ்டர் எனும் படத்தை இயக்கியுள்ளார். மாஸ்டர் படத்தின் போஸ்டர்கள் பாடல்கள் என அனைத்துமே செம வைரல் ஆகியுள்ளது.

அடுத்ததாக மாஸ்டர் படத்திற்கு தான் அனைவரும் வெயிட்டிங். ஆனால் படம் எப்போது வெளி வருகிறது என்றுதான் தெரியவில்லை. படமே வெளிவரவில்லை என்றாலும் லோகேஷ் கனகராஜ் அதிர்ஷ்டம் அள்ளிக் கொடுத்துக் கொண்டிருக்கிறது.

அடுத்ததாக தெலுங்கு சினிமாவில் முன்னணி நடிகர் ஒருவரை வைத்து தமிழ் மற்றும் தெலுங்கில் ஒரு படத்தை இயக்க அவருக்கு அட்வான்ஸ் கொடுக்கப் பட்டுள்ளது.

ஆனால் லோகேஷ் கனகராஜ் அடுத்ததாக கைதி 2, தெலுங்கு படம் என இயக்குவார் என எதிர்பார்த்திருந்த நிலையில் அதெல்லாம் இல்லை என சமீபத்தில் தகவல்கள் வந்துள்ளது.

லோகேஷ் கனகராஜ் அடுத்ததாக கமலஹாசன் தயாரிப்பில் ரஜினிகாந்த் நடிக்கும் படத்தை இயக்கப் போவதாக தெரிகிறது. இதற்கான அதிகாரப்பூர்வ அறிவிப்புகள் செப்டம்பர் மாதத்தில் வெளியாக அதிக வாய்ப்பிருக்கிறது.

தவிர லோகேஷ் கனகராஜ் அதற்கான ஸ்கிரிப்ட் வேலைகளில் தான் இறங்கியுள்ளதாகவும் அவரை சுற்றி உள்ள வட்டாரங்களிலிருந்து செய்திகள் கிடைத்துள்ளன.