Connect with us
Cinemapettai

Cinemapettai

கடைசி ஓவரில் பஞ்சாப் அணி அசத்தல் வெற்றி

Tamil Cinema News | சினிமா செய்திகள்

கடைசி ஓவரில் பஞ்சாப் அணி அசத்தல் வெற்றி

மொஹாலி: கொல்கத்தா அணிக்கு எதிரான ஐபிஎல் தொடரின் லீக் போட்டியில் பஞ்சாப் அணி கடைசி ஓவரில் அசத்தல் வெற்றி பெற்றுள்ளது.

இந்தியாவில் 10வது ஐபிஎல் கிரிக்கெட் தொடர் நடக்கிறது. இதில் மொஹாலியில் நடக்கும் 49வது லீக் போட்டியில், பஞ்சாப், கொல்கத்தா அணிகள் மோதுகின்றன. இதில் ’டாஸ்’ வென்ற கொல்கத்தா அணி கேப்டன் காம்பிர், முதலில் பீல்டிங் தேர்வு செய்தார்.

பஞ்சாப் அணியில் சுவப்னில், ராகுல் திவாதியா, மனன் வோஹ்ரா, மாட் ஹென்ரி இடம் பெற்றனர். கொல்கத்தா அணியில், உத்தப்பா மீண்டும் அணிக்கு திரும்பினார். சாவ்லாவுக்கு பதிலாக குல்தீப் யாதவ் சேர்க்கப்பட்டார்.

இதையடுத்து களமிறங்கிய பஞ்சாப் அணிக்கு துவக்க வீரர் கப்டில் (12) வேஹ்ரா (25) சுமாரான துவக்கம் அளித்தனர். பின் வந்த மார்ஸ் (11) ஏமாற்றினார். பின் இணைந்த மேக்ஸ்வெல், சகா ஜோடி பொறுப்பான ஆட்டத்தை வெளிப்படுத்தியது. கொல்கத்தா பவுலர்களை பதம் பார்த்த மேக்ஸ்வெல் 44 ரன்கள் (1 பவுண்டரி, 4 சிக்சர்) எடுத்த நிலையில் அவுட்டானார். இவருக்கு கம்பெனி கொடுத்த சகாவும் (38) நடையைகட்ட, பஞ்சாப் அணியின் ரன்வேகம் படுத்தது.கடைசி வரிசை வீரர்கள் தட்டுத்தடுமாற பஞ்சாப் அணி, 20 ஓவரில், 6 விக்கெட்டுக்கு 167 ரன்கள் எடுத்தது.

இதன்பின்னர் 168 ரன்கள் வெற்றி இலக்கை விரட்டிய கொல்கத்தா அணியின் தொடக்க வீரர் நரைன் 18 ரன்னிலும், கம்பீர் 8 ரன்னிலும், உத்தப்பா ரன் ஏதும் எடுக்காமல் வெளியேறினர்.ஒருபக்கம் விக்கெட்கள் விள மற்றொரு பக்கம் அசராமல் ஆடிய மற்றொரு துவக்க வீரரான லின் 84 ரன்களை குவித்தார்.

கடைசி ஓவரில் கொல்கத்தா வெற்றிக்கு 20 ரன்கள் தேவைபட்டது. சந்தீப் சர்மா வீசிய அந்த ஓவரில் 5 ரன்கள் மட்டுமே எடுத்தது கொல்கத்தா. இதனால் கொல்கத்தா அணி 20 ஓவர்களில் 6 விக்கெட்களை இழந்து 153 ரன்களை மட்டுமே எடுத்தது. எனவே 14 ரன்கள் வித்தியாசத்தில் பஞ்சாப் அசத்தல் வெற்றி பெற்றது.

சென்சார் செய்யாத செய்திகள், வீடியோக்கள் பார்க்க சினிமாபேட்டை Youtube-ல் Subscribe பண்ணுங்க.

Continue Reading
Click to comment

Leave a Reply

Your email address will not be published.

To Top