court_cinemapettai

உச்சநீதிமன்றத்தின் 7 நீதிபதிகளுக்கு மனநிலை பரிசோதனை செய்ய கொல்கத்தா உயர்நீதிமன்ற நீதிபதி சி.எஸ்.கர்ணன் உத்தரவிட்டுள்ளார்.

சென்னை உயர்நீதிமன்றத்தில் நீதிபதியாக பணியாற்றிய கர்ணன் கடந்த ஆண்டு கொல்கத்தா உயர்நீதிமன்றத்திற்கு மாற்றப்பட்டார். இதனைத் தொடர்ந்து நீதிபதிகளுக்கு எதிராக புகார் தெரிவித்து உச்சநீதிமன்றத்தின் தலைமை நீதிபதி மற்றும் பிரதமர் ஆகியோர் உள்பட பலருக்கு கடிதம் அனுப்பி வைத்தார்.

இந்த புகார் தொடர்பாக கர்ணன் மீது உச்சநீதிமன்றம் நீதிமன்ற அவமதிப்பு வழக்கு தொடர்ந்தது. இந்த வழக்கு விசாரணையில் கர்ணன், உச்சநீதிமன்றத்தின் 7 நீதிபதிகள் கொண்ட அமர்வு முன்பு ஆஜரானார். இந்த வழக்கை விசாரித்த நீதிபதிகள் கூறுகையில், கர்ணன் தான் கூறிய புகார் தொடர்பாக மன்னிப்பு கேட்க தயாராக இருக்கிறாரா என்று கேள்வி எழுப்பினர். இந்நிலையில், இந்த வழக்கு தொடர்பாக மத்திய அரசின் அட்டர்னி ஜெனரல் கூறுகையில், இந்த வழக்கில் சமரசம் என்ற பேச்சுக்கே இடமில்லை. கர்ணன் எல்லாவற்றையும் தெரிந்தே செய்திருக்கிறார் என்று தெரிவித்துள்ளார்.

அதிகம் படித்தவை:  பாகுபலி ஹீரோவுக்கு வந்த சோதனை! தீர்த்து வைத்த வில்லன்! என்ன தெரியுமா?

இதற்கு நீதிபதிகள், கர்ணனின் மனநிலை தெளிவாக இல்லை என்று நாங்கள் கருதுகிறோம். அவர் என்ன செய்தார் என்பதை புரிந்துகொள்ளும் மனநிலையில் தற்போது இல்லை என்று தெரிவித்துள்ளனர். இது குறித்து பேசிய கர்ணன் கூறுகையில், எனது வேலையை செய்ய அனுமதித்தால் எனது இயல்பான மனநிலைக்கு திரும்புவேன். இல்லையென்றால் அடுத்த முறை நீதிமன்றத்திற்கு வரமாட்டேன். முடிந்தால் என்னை சிறைக்கு அனுப்புங்கள் என்று அடாவடியாக பதிலளித்திருதார். இந்நிலையில், இந்த வழக்கு இன்று விசாரணைக்கு வந்தது. அதில், வரும் 5ம் தேதி நீதிபதி கர்ணனின் மனநிலை குறித்து மருத்துவ பரிசோதனை நடத்த நீதிமன்றம் உத்தரவு பிறப்பித்துள்ளது. இதனைத் தொடர்ந்து அறிக்கையை வரும் 8ம் தேதிக்குள் தாக்க செய்ய கொல்கத்தா மருத்துவமனைக்கு உச்சநீதிமன்றம் உத்தரவிட்டுள்ளது.

அதிகம் படித்தவை:  விஜயின் தெறி படத்தால் சமந்தாவிற்கு கிடைத்த பரிசு!

இதற்கு பதிலளித்த் கொல்கத்த உயர்நீதிமன்ற நீதிபதி சி.எஸ்.கர்ணன் கூறுகையில், முதலில் உச்சநீதிமன்றத்தின் 7 நீதிபதிகளுக்கு மருத்துவ பரிசோதனை செய்யப்பட வேண்டும். இந்த பரிசோதனையை டெல்லி எய்ம்ஸ் மருத்துமனை மருத்துவர்கள் செய்ய வேண்டும் என்று உத்தரவிட்டுள்ளார்.