fbpx
Connect with us

கொல்கத்தாவில் கொடிகட்டி பறந்த உத்தப்பா, நரைன்!

கொல்கத்தாவில் கொடிகட்டி பறந்த உத்தப்பா, நரைன்!

கொல்கத்தா: குஜராத் அணிக்கு எதிரான ஐபிஎல் தொடரின் லீக் போட்டியில், கொல்கத்தா அணி, 20 ஓவரில் 5 விக்கெட்டுக்கு 187 ரன்கள் எடுத்தது.

இந்தியாவில் நடக்கும் உள்ளூர் டி-20 கிரிக்கெட் தொடரான ஐபிஎல் தொடர், 10வது ஆண்டாக வெற்றிகரமாக துவங்கி நடந்து வருகிறது. இதில் கொல்கத்தாவில் நடக்கும் 23வது லீக் போட்டியில், கொல்கத்தா, குஜராத் அணிகள் மோதுகின்றன.

இதில் ’டாஸ்’ வென்ற குஜராத் அணி கேப்டன் சுரேஷ் ரெய்னா முதலில் ‘பீல்டிங்’ தேர்வு செய்தார். கொல்கத்தா அணியில் கிராண்ட்ஹோமேவுக்கு பதில் ஷாகிப் அணியில் இடம் பிடித்தார். குஜராத் அணியில் ஆண்டிரு டைக்கு பதில் ஜேம்ஸ் பால்க்னரும், சிவில் கவுசிக்கிற்கு பதிலாக பிரவீண் குமாரும் அணியில் இடம் பிடித்தனர்.

நரைன் நம்பிக்கை:
இதையடுத்து களமிறங்கிய கொல்கத்தா அணிக்கு, சுனில் நரைன் மீண்டும் காம்பிருடன் துவக்க வீரராக களமிறங்கினார். சுமார் 17 பந்துகளை சந்தித்த நரைன், 9 பவுண்டரி, ஒரு சிக்சர் என 42 ரன்கள் விளாசினார். இதன் மூலம் ஐபிஎல் அரங்கில் பவுண்டரிகள் மூலம் அதிகரன்கள் சேர்த்த வீரர் என்ற பெருமை பெற்றார்.

உத்தப்பா விளாசல்:
கேப்டன் காம்பிர் (33) நீண்ட நேரம் தாக்குபிடிக்கவில்லை. பின் வந்த உத்தப்பா அதிரடியாக ரன்கள் சேர்த்தார். கண் இமைக்கும் நேரத்தில் மின்னல் வேகத்தில் ரன்கள் சேர்த்த இவர், 48 பந்தில் 8 பவுண்டரி, 2 சிக்சர் என 72 ரன்கள் எடுத்து அவுட்டானார்.

‘பினிஷிங்’ யூசுப்
கடைசி நேரத்தில் யூசுப் பதான் அதிரடி காட்ட கொல்கத்தா அணி, 20 ஓவரில் 5 விக்கெட்டுக்கு 187 ரன்கள் எடுத்தது. யூசுப் (11), ஷாகிப் (1) அவுட்டாகாமல் இருந்தனர். குஜராத் அணி சார்பில் ரெய்னா, பால்க்னர், பிரவீண் குமார், தாம்பி ஆகியோர் தலா ஒருவிக்கெட் வீழ்த்தினர்.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top