kapoor

புதுதில்லி: பிரபல பாலிவுட் நடிகை கரீஷ்மா கபூரின் முன்னாள் கணவர் சஞ்சய் கபூர் தலைநகர் தில்லியில் பிரியா சச்தேவ் என்பவரை மறுமணம் செய்துக் கொண்டார்.

பிரபல தொழிலதிபரான சஞ்சய் கபூர் கடந்த ஏப்ரல் 13ஆம் தேதி நியூயார்க் நகரில் தனது தோழி பிரியா சச்தேவை இரண்டாவதாக திருமணம் செய்துக் கொண்டார். புதுமண தம்பதிகளின் புகைப்படத்தை பிரியாவின் சகோதரி சாரு சச்தேவ் தனது இன்ஸ்டாகிராம் பக்கத்தில் பகிர்ந்துள்ளார்..

கரீஷ்மா கபூர் உடனான 13ஆண்டு கால திருமண பந்தத்தை விவாகரத்து செய்துவிட்டு ஓராண்டுக்குள் சஞ்சய் மறுமணம் செய்திருப்பது குறிப்பிடத்தக்கது. சஞ்சய்-பிரியா இருவரும் கடந்த 5 ஆண்டுகளாக டேட்டிங் செய்து வந்ததாக கூறப்படுகிறது.

கடந்த 2003ஆம் ஆண்டு சஞ்சய்-கரீஷ்மா கபூர் திருமணம் நடைபெற்றது. இருவருக்கும் சமைரா மற்றும் கியான் என இரண்டு குழந்தைகள் உள்ளனர். கடந்த ஆண்டு ஜூன் மாதம் இருவருக்கும் மும்பை குடும்பநல நீதிமன்றம் விவாகரத்து வழங்கியது.

தற்போது சஞ்சய் திருமணம் செய்துக் கொண்ட பிரியா, விக்ரம் சாத்வால் என்பவரின் முன்னாள் மனைவி என்பது குறிப்பிடத்தக்கது.