fbpx
Connect with us

Cinemapettai

IPLயை வைத்து தோனியை எடைபோடக்கூடாது, அவர் எப்பவுமே ’தல’ தான் : சேவக்!

Dhoni-Sehwag IPL

IPLயை வைத்து தோனியை எடைபோடக்கூடாது, அவர் எப்பவுமே ’தல’ தான் : சேவக்!

ஐபிஎல் தொடரை வைத்து தோனியின் திறமையை எடைப்போடக்கூடாது,’ என முன்னாள் அதிரடி வீரர் சேவக் தெரிவித்துள்ளார்.

இந்தியாவில் நடக்கும் உள்ளூர் டி-20 கிரிக்கெட் தொடரான ஐபிஎல் தொடர், 10வது ஆண்டாக வெற்றிகரமாக துவங்கி நடந்து வருகிறது. இத்தொடர் துவங்குவதற்கு முன்னதாகவே புனே அணியின் கேப்டன் பொறுப்பில் இருந்து தோனி, அதிரடியாக நீக்கப்பட்டார்.

பின் இந்த ஆண்டுக்கான போட்டிகள் துவங்கியது முதல், முன்னாள் இந்திய கேப்டன் தோனியின் புனே அணியின் உரிமையாளர் சஞ்ஜீவ் கோயின்காவின் சகோதரர், ஹர்ஸ் கோயின்கா டுவிட்டரில் தோனியை குத்திக்காட்டுவது போல பதிவிட்டு வருகிறார்.

இந்நிலையில் தோனியின் செயல்பாடும் இத்தொடரில் இதுவரை சொல்லிக்கொள்ளும் வகையில் இல்லை. இதனால் அவருக்கு நாளுக்கு நாள் நெருக்கடி அதிகரித்துக்கொண்டே உள்ளது. இந்நிலையில் இந்திய கிரிக்கெட் அணியின் முன்னாள் அதிரடி துவக்க வீரர் சேவக், தல தோனிக்கு ஆதரவாக பேசியுள்ளார்.

இதுகுறித்து சேவக் கூறுகையில்,’ கடந்த ஜனவரி மாதம் நடந்த இங்கிலாந்துக்கு எதிரான ஒருநாள் போட்டியில் தோனி (134) சதம் அடித்தார். அதனால் அவரது பார்மில் எந்த சந்தேகமும் பட தேவையில்லை. அதனால் அவர் இல்லாத இந்திய அணி சாம்பியன்ஸ் டிராபி தொடருக்கு செல்லும் என எதிர்பார்க்ககூடாது. ஐபிஎல் தொடரில் எல்லா வீரர்களுக்கும் இப்படி நடப்பது வழக்கம் தான். அதனால் தோனி போன்ற அனுபவ வீரரை ஐபிஎல் தொடரை அடித்தளமாக வைத்து விமர்சிக்க கூடாது. இத்தொடரில் புது வீரர்களின் செயல்பாடு எப்படி உள்ளது என்பதை மட்டுமே பார்க்க வேண்டும்.’ என்றார்.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top