fbpx
Connect with us

Cinemapettai

புஸ்வானமாக பொங்கி அனைந்த கொல்கத்தா : பெங்களூரு அணியும் தள்ளாட்டம்

புஸ்வானமாக பொங்கி அனைந்த கொல்கத்தா : பெங்களூரு அணியும் தள்ளாட்டம்

கொல்கத்தா : பெங்களூரு அணிக்கு எதிராக முதலில் அதிரடி காட்டிய கொல்கத்தா, சிலநிமிடங்களில் ஒருவருக்கு பின் ஒருவாராக அவுட்டாகி 131 ரன்களில் அனைத்து விக்கெட்டுகளையும் இழந்து, பெங்களூருவுக்கு 132 ரன்கள் இலக்கு நிர்ணயித்துள்ளது.

10வது சீசன் ஐபிஎல் டி20 கிரிக்கெட் தொடர் இந்தியாவில் நடைப்பெற்று வருகின்றது. இதன் 27 போட்டியில் பெங்களூரு அணிக்கும், கொல்கத்தா அணிக்கும் இடையே இடையே கொல்கத்தாவில் நடைப்பெற்று வருகிறது.

 

இதில் டாஸ் வென்ற பெங்களூரு அணி கேப்டன் கோலி முதலில் பவுலிங் செய்ய தீர்மானித்தார். இதைத் தொடர்ந்து களமிறங்கி கொல்கத்தா அணிக்கு சுனில் நரேன் 17 பந்துகளில் 1 சிக்ஸர், 6 பவுண்டரி விளாசி அதிரடி காட்டி 34 ரன்கள் குவித்தார். மற்றொரு முனையில் கம்பிர் 14 ரன்கள் எடுத்து ஏமாற்றினார்.

தொடர்ந்து வந்த உத்தப்பா 11, மணீஸ் பாண்டே 15, யூசப் பதான் 8, சூர்யகுமார் யாதவ் 15, கிராண்டோமி 0, கிறிஸ் வோக்ஸ் 18, கூல்டர் நைல் 2, உமேஷ் யாதவ் 2, குல்தீப் யாதவ் 4 ரன்கள் என அடுத்தடுத்து அவுட்டாகி நடையை கட்டினர்.

காம்பிர் அவுட்டாகும் போது 3.2 ஓவரில் 48 ரன்கள் குவித்து மிகுந்த வலுவான நிலையில் கொல்கத்தா அணி இருந்தது. ஆனால் அடுத்தடுத்து வந்த வீரர்கள் சோபிக்க தவறியதால், கொல்கத்தா புஸ்வானம் போல சுடர் விட்டு அணைந்தது.
பெங்களூரு அணியின் சஹால் 4 ஓவரில் 16 ரன்கள் மட்டும் விட்டுகொடுத்து 3 விக்கெட்டுகளை வீழ்த்தி அசத்தினார். மில்ஸ், நெகி தலா 2 விக்கெட்டுகளும், பத்ரி, அரவிந்த், பின்னி தலா 1 விக்கெட் வீழ்த்தினர்.
19.3 ஓவரில் அனைத்து விக்கெட்டுகளையும் இழந்து 131 ரன்கள் மட்டும் எடுத்து, 132 ரன்கள் என்ற இலக்கை பெங்களூரு அணிக்கு நிர்ணயித்துள்ளது.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top