ஐ.பி.எல் : கொல்கத்தாவுக்கு ஏதிரான போட்டியில் மும்பை வெற்றி

கொல்கத்தா: கொல்கத்தா அணிக்கு எதிரான ஐபிஎல் தொடரின் லீக் போட்டியில் மும்பை அணி 9 ரன்கள் வித்தியாசத்தில் வெற்றி பெற்றது.

இந்தியாவில் 10வது ஐபிஎல் கிரிக்கெட் தொடர் நடக்கிறது. இதில் டெல்லியில் நடக்கும் 54வது லீக் போட்டியில், மும்பை,கொல்கத்தா அணிகள் மோதுகின்றன. இதில் ’டாஸ்’ போடுவதற்கு முன் பலத்த மழை பெய்த காரணத்தினால், தாமதம் ஏற்பட்டது

முதலில் களமிறங்கிய மும்பை அணிக்கு துவக்க வீரர் சிம்மன்ஸ் ‘டக்’ அவுட்டானார். கேப்டன் ரோகித் சர்மா (27) நிலைக்கவில்லை. சவுரவ் திவாரி (52) அரைசதம் அடித்து கைகொடுத்தார். ராயுடு (63) அரைசதம் அடித்து அவுட்டானார். கடைசி நேரத்தில் போராடிய போலார்டு ஓரளவு கைகொடுக்க, மும்பை அணி, 20 ஓவரில் 5 விக்கெட்டுக்கு 173 ரன்கள் எடுத்தது.

இதனையடுத்து , 174 ரன்கள் எடுத்தால் வெற்றி என்ற இலக்குடன் களமிறங்கிய கொல்கத்தா அணியின் துவக்க வீரர் நரைன் ரன் ஏதும் எடுக்காமல் ஆட்டமிழந்தார், இவருடன் களமிறங்கிய லின் 14 பந்துகளில் 26 ரன்களை குவித்தார்.

பின் களமிறங்கிய காம்பீர் 21 ரன், ராபின் உத்தப்பா 2 ரன், பாண்டே 33 ரன்கள் குவித்து ஆட்டமிழக்க, அடுத்து களமிறங்கிய யூசப் பதான் 20 ரன்களும், கிராண்ட்ஹோமி 29 ரன்களை குவித்து ஆட்டமிழந்தனர். அடுத்தடுத்து விக்கெட்கள் சரிந்த நிலையில் கொல்கத்தா அணி 20 ஓவர்களில் 8 விக்கெட் இழப்பிற்கு 164 ரன்களை மட்டும் எடுத்தது. இதனையடுத்து மும்பை அணி 9 ரன்கள் வித்தியாசத்தில் வெற்றி பெற்றது.