Connect with us
boomerang-movie

வெயில் அதிகரிப்பதால் பீர் தயாரிப்பாளர்கள் மகிழ்ச்சி!

beer_cinemapettai

வெயில் அதிகரிப்பதால் பீர் தயாரிப்பாளர்கள் மகிழ்ச்சி!

ஹைதராபாத் : வழக்கத்திற்கு மாறாக இந்த ஆண்டு அதிக வெப்பநிலை நிலவுவதால் கடந்த இரண்டு மாதங்களாக பீர் விற்பனையும் அதிகரித்து இருப்பதாக, பீர் தயாரிப்பாளர்கள் மகிழ்ச்சி தெரிவித்துள்ளனர்.

மார்ச் மாதம் 37 லட்சம் கேஸ் பீர் விற்பனை ஆனது என்றும், இம்மாதம் அது 40 லட்சத்தை தொடும் என்றும் எதிர்பார்க்கப்படுகிறது. கோடை காலம் என்பதால் விஸ்கி, பிராந்தி குடிப்பவர்கள் கூட சில்லென பீர் குடிக்கின்றனர் என்று துறை சார்ந்த அதிகாரிகள் கூறுகின்றனர். தெலங்கானாவில் அதிகமாக மது அருந்தப்படுகிறது. விஸ்கி, பிராந்தி மற்றும் ரம் மதுக்களில் இருந்து 65 சதவீத வருவாய் வந்து கொண்டிருந்த நிலையில் கடந்த 2 இரண்டு ஆண்டுகளில் டிரெண்ட் மாறி, பீர் மூலம் மட்டும் 50 சதவீத வருவாய் வருகிறது.

ஏப்ரல் மாதம் 40 லட்சம் கேஸ் பீர் விற்றால் சாதனையாக இருக்கும் என்றும், 10 நாட்கள் மீதமுள்ள நிலையில் இது 28 லட்சம் கேஸ் விற்பனையாகி உள்ளதாகவும் தெலங்கானா கலால் துறை ஆணையர் ஆர்வி சந்திரவதன் கூறியுள்ளார். மற்ற தென்னிந்திய மாநிலங்களுடன் ஒப்பிடுகையில் தெலங்கானாவில் அதிகமாக பீர் விற்பனையாகிறது. கடந்த வருடங்களுடன் ஒப்பிடுகையில் பீர் விற்பனை அதிகரித்து வருகிறது.

தெலங்கானாவில் 17 பீர் தயாரிப்பு ஆலைகள் உள்ளன. ஆந்திரா, கேரளா, கர்நாடகாவிற்கு பீர் ஏற்றுமதி செய்யும் அளவிற்கு தெலங்கானாவில் பீர் தயாரிப்பு நடைபெறுகிறது.

Continue Reading
Click to comment

Leave a Reply

Your email address will not be published. Required fields are marked *

Advertisement

அதிகம் படித்தவை

To Top