துருவ் விக்ரமுடன் கூட்டணி அமைத்த சர்ச்சை இயக்குனர்.. இவர் வேண்டவே வேண்டாம் என எச்சரித்த சீயான் விக்ரம்!

அர்ஜுன் ரெடி படத்தின் தமிழ் ரீமேக்கான ஆதித்ய வர்மா படத்தின் மூலம் தமிழ் சினிமாவுக்கு ஹீரோவாக அறிமுகமானவர் சியான் விக்ரம் மகன் துருவ் விக்ரம்.

படம் பெரிய அளவில் வெற்றி பெறவில்லை என்றாலும் துருவ் விக்ரமுக்கு ஏகப்பட்ட ரசிகர் பட்டாளம் உருவானது. இதனால் அடுத்தடுத்து பல படங்களில் கமிட்டாகி கொண்டிருக்கிறார்.

துருவ் விக்ரம் அடுத்ததாக சீயான் விக்ரமுடன் இணைந்து கார்த்திக் சுப்பாராஜ் படத்தில் நடிக்கவுள்ள செய்தி சமீபத்தில் வெளியாகி பரபரப்பை ஏற்படுத்தியது.

இந்த பரபரப்பு அடங்குவதற்குள் அடுத்ததாக துருவ் விக்ரம் சர்ச்சை இயக்குனருடன் கூட்டணி அமைக்கவுள்ள செய்தி மீண்டும் கோலிவுட் வட்டாரங்களில் கிசுகிசுக்கப்படுகின்றது.

தமிழ் சினிமாவின் சர்ச்சை இயக்குனராக வலம் வருபவர் பா ரஞ்சித். இவர் படத்தில் பேசும் அரசியலை விட மேடையில் பேசும் அரசியலில் பல கருத்துக்களை வெளியிட்டு பரபரப்பை ஏற்படுத்தி வருகிறார்.

அந்த பா ரஞ்சித் பட்டறையில் இருந்து வெளிவந்து தற்போது கவனிக்கப்படும் இயக்குனராக வலம் வருபவர் தான் மாரி செல்வராஜ். தனுஷை வைத்து தற்போது கர்ணன் படத்தை இயக்கிக் கொண்டிருக்கிறார்.

துருவ் விக்ரம், மாரி செல்வராஜ் இணையும் படத்தை பா ரஞ்சித் தயாரிக்க உள்ளாராம். ஆனால் இதில் விக்ரமுக்கு உடன்பாடு இல்லை என்றாலும் மாரி செல்வராஜ் அடம் பிடித்ததால் வேறு வழியின்றி சம்மதித்துள்ளாராம்.

பையனுக்கு ஹிட் வேணும்ல!