Connect with us
Cinemapettai

Cinemapettai

Sports | விளையாட்டு

மின்னல் வேகத்தில் தோனி! இப்ப இதில் நம்பர் 1..சச்சின் புகழாரம்..

மின்னல் ஒரே இடத்தில் இரு முறை அடிக்காது. ஆனால், தோனி 100வது முறையாக அதனை செய்து புதிய சாதனை படைத்துள்ளார் என்று சச்சின் தெரிவித்துள்ளார்.இலங்கை சென்றுள்ள இந்திய அணி ஏற்கனவே 3 டெஸ்ட் போட்டி தொடரை கைப்பற்றியுள்ள நிலையில், கொழுபுவில் நேற்று நடந்த 5வது மற்றும் கடைசி ஒருநாள் போட்டி நடந்தது.

இதில் டாஸ் வென்று முதலில் ஆடிய இலங்கை அணி 49.4வது ஓவரில் அனைத்து விக்கெட்டுகளையும் இழந்து 238 ரன்கள் மட்டுமே எடுத்தது. இப்போட்டியில் 99 ஸ்டெம்பிங் செய்த நிலையில், 301வது ஒரு நாள் போட்டியில் இந்திய அணியின் தல தோனி விளையாடினார். இதில், இலங்கை அணியின் அகிலா தன்ஞ்செயாவின் ஸ்டெம்பிங்கை செய்து 100 முறை ஸ்டெம்பிங் செய்த முதல் வீரர் என்ற சாதனையை தோனி படைத்துள்ளார்.

மூன்று முறை உலகக் கோப்பையை வென்ற கேப்டன், ஒருநாள் போட்டியில் அதிக ரன்களை விளாசிய விக்கெட் கீப்பர், 75 ஒருநாள் போட்டிகளில் அவுட்டாகாமல் இருந்த வீரர் போன்ற பல்வேறு சாதனைகளைப் படைத்த தோனி மீண்டும் 100 முறை ஸ்டெம்பிங் செய்த முதல் வீரர் என்ற சாதனையையும் நேற்று படைத்துள்ளார்.

தோனியின் இந்த சாதனை தொடர்பாக, மாஸ்டர் பிளாஸ்டர் சச்சின் டெண்டுல்கர் கூறுகையில், மின்னல் ஒரே இடத்தில் இரண்டு முறை அடிக்காது. ஆனால், தல தோனி அதனை நேற்று செய்து காட்டியுள்ளார். ஆம், 100 முறை ஸ்டெம்பிங் செய்து புதிய சாதனை படைத்துள்ளார் என்று கூறியுள்ளார்.

இதனையடுத்து, இலங்கை அணியின் முன்னாள் விக்கெட் கீப்பர் குமார் சங்ககரா 404 ஒரு நாள் போட்டியில் 99 ஸ்டெம்பிங் செய்து 2வது இடத்திலும், 189 போட்டியில் ஆடிய ரோமேஷ் கலுவிதரனா 75 ஸ்டெம்பிங் செய்து 3வது இடத்திலும் உள்ளனர் என்பது குறிப்பிடத்தக்கது.

பின்னர், ஆடிய இந்திய அணி 46.3வது ஓவரில் 4 விக்கெட் இழப்பிற்கு 239 ரன்கள் எடுத்து இலங்கை அணிக்கு ஒயிட் வாஷ் கொடுடுத்துள்ளது. தளபதி கோலி 110 ரன்களுடனும், தல தோனி 1 ரன்னுடனும் கடைசி வரை அவுட்டாகாமல் இருந்தனர். இப்போட்டியில் வெற்ற பெற்றதன் மூலம் இந்திய அணி 5-0 என்ற கணக்கில் தொடரையும் கைப்பற்றியுள்ளது.

Continue Reading
Click to comment

Leave a Reply

Your email address will not be published.

To Top