dhoni

ஆண்டிகுவா: வெஸ்ட் இண்டீஸ் அணிக்கு எதிரான நான்காவது ஒருநாள் போட்டியில் ஆமையைவிட மெதுவாக விளையாடிய யுக்தி, கடைசியில் அவருக்கே வினையாக அமைந்தது.

வெஸ்ட் இண்டீஸ் சென்றுள்ள இந்திய அணி 5 ஒருநாள், 1 டி-20 போட்டிகளில் பங்கேற்கிறது. முதல் போட்டி மழையால் ரத்தானது. இரு அணிகள் மோதிய இரண்டாவது போட்டியில் இந்திய அணி மெகா வெற்றி பெற்றது. மூன்றாவது போட்டியில் இந்திய அணி வென்றது. இதையடுத்து இந்திய அணி, இத்தொடரில் 2-0 என முன்னிலை வகித்தது.

இந்நிலையில் ஒரு அணிகள் மோதிய நான்காவது ஒருநாள் போட்டி, ஆண்டிகுவாவில் நடந்தது. ஆனால் போட்டி துவங்கும் முன் மழை குறுக்கிட்டதால் போட்டி துவங்குவதில் தாமதம் ஏற்பட்டது. இதன்பின் களமிறங்கிய வெஸ்ட் இண்டீஸ் அணி, 50
ஓவரில், 9 விக்கெட்டுக்கு 189 ரன்கள் எடுத்தது.

சுலப இலக்கை துரத்திய இந்திய அணிக்கு வழக்கம் போல, கோலி, தவான் உள்ளிட்ட டாப் ஆர்டர் வீரர்கள் சொதப்ப், அனுபவ தோனி, நிதானமான ஆட்டத்தை கையாண்டார். இதுவரை இல்லாத அளவு ஆமையைவிட மிகநிதானத்தை கையாண்ட, தோனி 108 பந்துகளில் அரைசதத்தை பூர்த்தி செய்தார். ஒருநாள் போட்டியில், அரைசதம் அடிக்க எடுத்துக்கொண்ட அதிகபட்ச பந்துகளின் எண்ணிக்கை இதுதான்.

இதனால் கடைசி நேரத்தில் விரைவாக ரன்கள் சேர்க்கும் மோசமான இக்கட்டான நிலைக்கு தள்ளப்பட்ட தோனி, நெருக்கடி காரணமாக தனது விக்கெட்டை பறிகொடுத்தார். கடைசியில் இந்திய அணி, 11 ரன்கள் வித்தியாசத்தில் தோல்வியை சந்தித்தது.

இவர் மட்டும் அல்ல:
தோனி அதிக பந்துகளை எடுத்துக்கொண்டாலும், அவர் இந்திய அணியின் விக்கெட் சரிவை சர்வசாதாரணமாக தடுத்தார். ஆனாலி, கோலி, தவான், உள்ளிட்ட மற்ற பேட்ஸ்மேகளின் மோசமான ஆட்டமும் இந்திய அணியின் தோல்விக்கு முக்கிய காரணமாக அமைந்தது.