fbpx
Connect with us

என் பேட்டிங் ரகசியம் ஒயின்தான்! தோனியின் வெளிப்படையான பதில்

News / செய்திகள்

என் பேட்டிங் ரகசியம் ஒயின்தான்! தோனியின் வெளிப்படையான பதில்

வெஸ்ட் இண்டீஸில் சுற்றுப்பயணம் மேற்கொண்டுள்ள இந்திய அணி 5 ஒரு நாள் போட்டி மற்றும் ஒரு டி20 போட்டியில் விளையாடுகிறது. ஏற்கனவே நடந்து முடிந்துள்ள முதல் போட்டி மழை காரணமாக ரத்தானது. 2வது ஒரு நாள் போட்டியில் இந்திய அணி 105 ரன்கள் வித்தியாசத்தில் வெற்றி பெற்றது.

நேற்று ஆண்டிகுவாவில் நடைபெற்ற 3வது ஒருநாள் போட்டியில் டாஸ் வென்ற இண்டீஸ் அணி முதலில் பந்து வீச்சு தேர்வு செய்தது. அதன்படி, முதலில் ஆடிய இந்திய அணி 50 ஓவர்கள் முடிவில் 4 விக்கெட்டுக்கு 251 ரன்கள் எடுத்தது.

ரகானே (72), தோனி (78*) மற்றும் ஜாதவ் (40*) ஆகியோர் சிறப்பான ஆட்டத்தை வெளிப்படுத்தினர். பின்னர், 252 ரன்களை சேஸ் செய்த வெஸ்ட் இண்டீஸ் அணி 38.1 ஓவரில் அனைத்து விக்கெட்டுகளையும் இழந்து வெறும், 158 ரன்கள் மட்டுமே எடுத்தது. இதன் மூலம், இந்திய அணி 93 ரன்கள் வித்தியாசத்தில் வெற்றி பெற்றது.

இந்திய அணி பேட்டிங்கின் கடைசி ஓவர்களில் அதிரடி காட்டி ஸ்கோரை உயர்த்திய முன்னாள் கேப்டன் தோனி, ஆட்டநாயகன் விருதைத் தட்டிச்சென்றார். நீண்ட இடைவெளிக்குப் பிறகு ஆட்ட நாயகன் விருது பெற்ற தோனிக்கு இது ஒருநாள் போட்டிகளில் 21வது ஆட்ட நாயகன் விருது ஆகும்.

போட்டிக்குப் பின் பேட்டி அளித்த தோனியிடம் வயதான பிறகு எப்படி ஒரே மாதிரி விளையாட முடிகிறது என்று கேட்கப்பட்டது. அதற்கு “இது ஒயின் மாதிரிதான்.” என்று எளிதாக பதில் கூறிள்ளார்.

ஒயின் பழசாக பழசாக சுவை கூடுவது மாதிரி நாளுக்கு நாள் தோனியின் ஆட்டத்தில் மெருகேறி வருவதை ரசிகர்கள் இப்போட்டியில் வெகுவாக ரசிக்க முடிந்தது.

Click to comment

Leave a Reply

Your email address will not be published. Required fields are marked *

More in News / செய்திகள்

Advertisement

Trending

To Top