fbpx
Connect with us

Cinemapettai

காசு வாங்காத தர்பார் விமர்சனம்.. உண்மையில் படம் எப்படிதான் இருக்கு

Reviews | விமர்சனங்கள்

காசு வாங்காத தர்பார் விமர்சனம்.. உண்மையில் படம் எப்படிதான் இருக்கு

தர்பார் படம் வெளிவந்த முதல் நாளே முதல் பாதி சூப்பர். இரண்டாம் பாதி சரியில்லை என்ற ரீதியில் விமர்சனத்தை பரப்பி விட்டார்கள். ஆனால் உண்மை நிலவரமோ வேறு. முதல் பாதி நன்றாக இருந்தது. முதல் பாதியை விட இரண்டாம் பாதி சற்று குறைவே தவிர அதுவும் நன்றாகத்தான் இருந்தது.

தற்போது உள்ள சூழ்நிலையில் சூப்பர் ஸ்டார் ரஜினிகாந்த் அரசியல் பற்றிய பேச்சுக்களும், அரசியல் நடவடிக்கைகள் இல்லாமல் இருந்திருந்தால் இந்தப் படத்தை ஆகா ஓகோ என்று புகழ்ந்து இருப்பார்கள். ரஜினியின் அரசியல் வருகை ஒரு சில ரசிகர்களுக்கே விருப்பம் இல்லாத நிலையில் அவர்களும் தற்பொழுது சில பல குறைகள் அறிவிக்கிறார்கள்.

மேலும் பேட்ட படத்தை விட ரஜினிகாந்த் தர்பார் படத்தில் மிகவும் அழகாக இருக்கிறார். சந்தோஷ் சிவன் ஒளிப்பதிவு அற்புதம். பொதுவாக சண்டைக்காட்சிகள், பாடல்கள் இவற்றை வைத்து ஒரு படத்தின் விமர்சனத்தை கூற முடியாது. அதிலும் ரஜினி 10 பேரை அடிக்கிறார் 20 பேரை அடிக்கிறார் என்ற கணக்கெல்லாம் கிடையாது. அப்படி பார்த்தால் விஜய் அஜித் என எல்லா நடிகர்களும் அப்படிதான் சண்டை போடுவார்கள். அந்த லாஜிக் எல்லாம் ரஜினி படத்திற்கு முன்பு இருந்த காலத்தில் இருந்தே கிடையாது. அதனால்தான் அவர் சூப்பர் ஸ்டார். அதுதான் அவருடைய பிளஸ்.

யோகி பாபுவின் காமெடியை தர்பார் படத்தில்தான் சரியாக பயன்படுத்தி இருக்கிறார்கள். காமெடிக்கு பஞ்சமே இல்லை. ரஜினி, யோகிபாபு இருவரும் சேர்ந்து கலக்கியிருக்கிறார்கள். நயன்தாரா அழகோ அழகு. அவருக்கான இடம் இந்த படத்தில் போதுமான அளவு இருக்கிறது அதுவே போதும். இரண்டாம் பாதியில் உள்ள பாடல் மனதில் ஒட்டவில்லை. ஆனால் அனிருத் பின்னணி இசை நன்றாக இருந்தது.

சுனில் ஷெட்டி வில்லன் கதாபாத்திரம் ஓவர் பில்ட் அப் கொடுத்து விட்டார்கள் ஆனால் அவருக்கான விஷயம் படத்தின் காட்சிகளில் இல்லை. இரண்டாம் பாதியில் உள்ள வில்லன் மற்றும் இரண்டாம் பாதியில் உள்ள பாடல், இந்த இரண்டைத் தவிர படத்தில் மிகப்பெரிய குறைகள் எதுவும் இல்லை.

தற்பொழுது உள்ள சினிமாவில் படங்களை போர் அடிக்காமல் இழுக்காமல் எடுப்பது மிகப்பெரிய விஷயம். ஒரு படத்தை பார்க்கும் பொழுது போரடிக்காமல் எடுத்து சென்றாலே படம் ஹிட்டுதான். அந்த வகையில் தர்பார் படம் நன்றாக இருந்தது. இரண்டாம் பாதியில் சென்டிமென்ட் காட்சிகளில் ரஜினியும் அவரது மகளும் உண்மையிலேயே நடிப்பில் தூள் கிளப்பி விட்டனர். நிறைய இடங்களில் முருகதாஸ் டச் இருக்கிறது. வழக்கமாக ரஜினி படங்களில் எப்பவும் ஆபாசம் இருக்காது தர்பாரிலும் ஆபாச காட்சிகள் இல்லை. ரஜினி ரசிகர்கள் மட்டும் அல்ல அனைவரும் குடும்பத்துடன் பார்க்கலாம். தர்பார் வசூல் அள்ளும். குடும்பத்தோடு பார்க்கும்போது சினிமாபேட்டை சொல்வது புரியும்.

முதல் பாதி, இரண்டாம் பாதி, ஒரு மணி நேரம், இரண்டு மணி நேரம் என்ற கணக்கெல்லாம் விட்டு ஒட்டுமொத்தமாக திரைப்படத்தைப் பார்த்தால் படம் தர்பார் சூப்பர்.

Rating: 3.5/5

Continue Reading
Click to comment

Leave a Reply

Your email address will not be published.

To Top